ଶୁକ୍ରବାର ଦିନ ରହିଥିଲା ବିବାହିତ ସଧବା ମହିଳାଙ୍କ ପାଇଁ ସାବିତ୍ରୀ ଅମାବାସ୍ୟା । ମହିଳା ମାନେ ନିଜ ସ୍ବାମୀଙ୍କ ଦୀର୍ଘ ଆୟୁ ପାଇଁ ଏହି ପୂଜା କରିଥାନ୍ତି । ଏହି ଅବସରରେ ଦିଗପହଣ୍ଡି ବ୍ଳକର ଗୈାଡ ଗାଁ ପଞ୍ଚାୟତର ସଙ୍ଗରୋଧ କେନ୍ଦ୍ରରେ ରହୁଥିବା କିଛି ମହିଳା ପ୍ରବାସୀଙ୍କ ପାଇଁ ସ୍ଥାନୀୟ ସରପଞ୍ଚ କୃଷ୍ଣଚନ୍ଦ୍ର ସାହୁ ଭାଇ ସାଜି ଅମାବାସ୍ୟା ଭାର ଯୋଗାଡ କରି ଦେଇଥିବା ଜଣାପଡିଛି । ଖବରନୁଯାୟୀ , ପଞ୍ଚାୟତର ନୋଡାଲ ହାଇସ୍କୁଲ , ଦାଉଣୀ ଓ ଲହୁଣୀଆ ସଙ୍ଗରୋଧ କେନ୍ଦ୍ରରେ ରହୁଥିବା ୭ ଜଣ ମହିଳାଙ୍କ ଲାଗି ସରପଞ୍ଚ ଶ୍ରୀ ସାହୁ ସମେତ ଦାୟିତ୍ଵରେ ରହିଥିବା କର୍ମଚାରୀ ମହିଳାଙ୍କ ମନୋବଳ ଦୃଢ଼ କରିବା ପାଇଁ ସାବିତ୍ରୀ ବ୍ରତ ଲାଗି ପ୍ରବାସୀଙ୍କୁ ଲୁଗା ସହ ପୂଜା ସାମଗ୍ରୀ ଠାକୁର ଫଟୋ ଏବଂ ପୁରାଣ ବହି ଦେଇଥିଲେ । ମହିଳାମାନେ ଭାର ଗ୍ରହଣ କରିବା ପରେ ଖୁସିର ସହ ସାବିତ୍ରୀ ବ୍ରତ ପାଳନ କରି ସ୍ୱାମୀ ଓ ସମସ୍ତ ସହଯୋଗୀଙ୍କ ସୁଖ ସମୃଦ୍ଧି ଓ ଦୀର୍ଘାୟୁ କାମନା କରିଥିଲେ । ଏଥିସହ ଆଜି ପଞ୍ଚାୟତରେ ରହୁଥିବା ପ୍ରବାସୀମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିବା ପାଇଁ ବ୍ରହ୍ମପୁର ମେଡ଼ିକାଲରୁ ଏକ ଟିମ୍ ସଙ୍ଗରୋଧ କେନ୍ଦ୍ରରେ ପହଞ୍ଚିଥିବା ଜଣାପଡିଛି ।