Kiran Behera
ପାରଳାଖେମୁଣ୍ଡି ଡିଭିଜନ ଚନ୍ଦ୍ରଗିରି ଓ ପୋଡାମାରୀ ବନାଞ୍ଚଳ ଅଧୀନରେ ଥିବା ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ କଂସାମରୀ ଗ୍ରାମରୁ ସୋମବାର ସକାଳ ସାଢେ ୭ ଘଣ୍ଟା ସମୟରେ ଏକ ବିରଳ ପ୍ରଜାତିର ପ୍ରାଣୀ ବଜ୍ରକାପ୍ତା ଉଦ୍ଧାର କରାଯାଇଥିବା ଜଣାପଡ଼ିଛି । ଖବରନୁଯାୟୀ , ସୋମବାର ସକାଳ ଗ୍ରାମ ପଛପଟେ ଥିବା ନଡିଆ ବଗିଚା ନିକଟରେ ଥିବା ଏକ ପରିତ୍ୟକ୍ତ କୂଅ ନିକଟରେ ଏହି ବଜ୍ରକାପ୍ତାଟିକୁ ବୁଲୁଥିବା ସ୍ଥାନୀୟ ଗ୍ରାମବାସୀ ଦେଖିବାକୁ ପାଇଥିଲେ । ଏହାପରେ ପୋଡାମାରୀ ବନବିଭାଗକୁ ଖବର ଦେଇଥିଲେ । ଖବରପାଇ ଚନ୍ଦ୍ରଗିରି ଓ ପୋଡାମାରୀ ବନବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି କୌଶଳକ୍ରମେ ବଜ୍ରକାପ୍ତାଟିକୁ ଉଦ୍ଧାର କରିଥିଲେ। ଏହାପରେ ବଜ୍ରକାପ୍ତାଟିର ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ପୋଡାମାରୀ ବନାଞ୍ଚଳ ଅଧିକାରୀ କାଳୀଚରଣ ବେହେରାଙ୍କ ନିର୍ଦ୍ଦେଶନାରେ ସ୍ଥାନୀୟ ଲଖାରୀ ଅଭୟାରଣ୍ୟରେ ଛାଡି ଦିଆଯାଇଥିବା ଜଣାପଡିଛି । ଏହି ଉଦ୍ଧାର ସମୟରେ ବନାଞ୍ଚଳ ଅଧିକାରୀ ଶ୍ରୀ ବେହେରାଙ୍କ ସମେତ ପୋଡାମାରୀ ଫରେଷ୍ଟର ଲକ୍ଷ୍ମୀକାନ୍ତ ପାତ୍ର , ଲୁହାଗୁଡି ଫରେଷ୍ଟ ଗାର୍ଡ କାଳିଆ ପ୍ରଧାନ , ଟି . ଗୋବିନ୍ଦପୁର ଫରେଷ୍ଟ ଗାର୍ଡ ସୁଧାକର ଖଣ୍ଡାଳୁ , ପୋଡାମାରୀ ଫରେଷ୍ଟ ଗାର୍ଡ ଗାୟତ୍ରୀ ପ୍ରଧାନ ଉପସ୍ଥିତ ରହିଥିଲେ ।
ଜନ୍ମଜୟନ୍ତୀ ଅବସରରେ କରୋନା ଯୋଦ୍ଧା ଗୋଷ୍ଠୀ ଶିକ୍ଷାଧିକାରୀ ଓ ପ୍ରଧାନଶିକ୍ଷକ ଓ ଶିକ୍ଷୟିତ୍ରୀଙ୍କୁ ବିଦାୟକାଳୀନ ସମ୍ବର୍ଦ୍ଧନା
Read More...
