ଜୁଲାଇ ମାସ ୧୫ ତାରିଖ ସୁଦ୍ଧା ଶେଷ ହେବ ପ୍ରାଥମିକ ଓ ମାଧ୍ୟମିକ ସ୍କୁଲର ନାମଲେଖା ପକ୍ରିୟା। ଏନେଇ ସ୍କୁଲ ଓ ଗଣଶିକ୍ଷା ବିଭାଗ ଚିଠି ଲେଖି ସୂଚନା ଦେଇଛି।କରୋନା ପାଇଁ ଏବେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହୋଇ ପଡ଼ିଛି। କେବେ ସ୍କୁଲ୍ ଖୋଲିବ ଆଉ କେବେ ପିଲାମାନେ ପୂର୍ବଭଳି ପାଠପଢ଼ିବାକୁ ସ୍କୁଲ ଯିବେ ତାକୁ ନେଇ ଏବେ ବି ଅନିଶ୍ଚିତତା ଲାଗି ରହିଛି। ଏହାରି ମଧ୍ୟରେ କିନ୍ତୁ ପ୍ରାଥମିକ ଓ ମାଧ୍ୟମିକ ସ୍କୁଲର ନାମଲେଖା ପକ୍ରିୟା ୧୫ ତାରିଖ ଭିତରେ ଶେଷ କରିବାକୁ କୁହାଯାଇଛି।ଅଭିଭାବକମାନେ ସକାଳ ୭ଟାରୁ ୯.୩୦ଟା ମଧ୍ୟରେ ସ୍କୁଲକୁ ଆସି ନାମଲେଖାଇପାରିବେ। ତେବେ ଏହି ସମୟରେ ସେମାନେ କୋଭିଡ୍ ୧୯ ଗାଇଡଲାଇନ୍ ପାଳନ କରିବେ।ଏନେଇ ସ୍କୁଲର ପ୍ରଧାନଶିକ୍ଷକ ଛାତ୍ରଛାତ୍ରୀ ଓ ଅଭିଭାବକଙ୍କ ଉପରେ ତୀକ୍ଷଣ ନଜର ରଖିବାକୁ କୁହାଯାଇଛି।