ଅଯୋଧ୍ୟାର ବିବାଦୀୟ ଜମିକୁ ନେଇ ସୁପ୍ରିମ କୋର୍ଟରେ ଆଜି ହେବ ଶୁଣାଣୀ । ମାମଲାର ମଧ୍ୟସ୍ଥତା ହେବ କି ନାହିଁ ସେ ନେଇ ସୁପ୍ରିମକୋର୍ଟ ଆଜି ନେବେ ନିଷ୍ପତି । ସୁପ୍ରିମକୋର୍ଟ କହିଥିଲେ ଯେ, ଦୁଇ ପକ୍ଷର ଆପସ ବୁଝାବଣା ମାଧ୍ୟମରେ ମାମଲାର ସମାଧାନ କରନ୍ତୁ । ଆଜି ଏନେଇ ଉଭୟ ପକ୍ଷ ସୁପ୍ରିମକୋର୍ଟରେ ନିଜର ମତ ରଖିସାରିବା ପରେ ସୁପ୍ରିମକୋର୍ଟ ଅନ୍ୟ କାର୍ଯୟ ପନ୍ଥା ସ୍ଥିର କରିବେ । ପୁର୍ବରୁ ଦୁଇ ପକ୍ଷ ଭିନ୍ନ ଭିନ୍ନ ମତ ଦେଇଥିଲେ । ହିନ୍ଦୁ ମାନଙ୍କ ପକ୍ଷରୁ ସୁପ୍ରିମକୋର୍ଟରେ ଲଢୁଥିବା ଓକିଲ ସତ୍ୟପାଠରେ କହିଥିଲେ, ଏହି ମାମଲାରେ ମଧ୍ୟସ୍ଥତା ଠିକ ନୁହେଁ , । ଉଭୟ ପକ୍ଷ ଆଜି ସୁପ୍ରିମକୋର୍ଟରେ ନିଜ ନିଜର ମତ ରଖି ମଧ୍ୟସ୍ଥତା ଚାହୁଁଛନ୍ତି କି ନାହିଁ ତାହା ସର୍ବୋଚ୍ଚ ନ୍ୟାୟାଳୟକୁ ଜଣାଇବେ । ଯାହାଜଣାଯାଉଛି , ସୁପ୍ରିମକୋର୍ଟ ଏହି ମାମଲାରେ ନିର୍ଣ୍ଣାୟକ ରାୟ ଦେବେ । ଅନ୍ୟ ପକ୍ଷରେ ଦେଖିବାକୁ ଗଲେ ଦୀର୍ଘ ଦୀନ ଧରି ସୁପ୍ରିକୋର୍ଟରେ ଏହି ମାମଲାର ଶୁଣାଣୀ ଜାରି ରହିଛି । ଆଜି ଏହି ମାମଲାର ଶୁଣାଣୀ ଉପରେ ସମସ୍ତ ରାଜନୈତିକ ଦଳ ମାନଙ୍କର ନଜର ରହିଛି ।