Swadhina Kumar Sahu
ଆସନ୍ତା ପାଞ୍ଚ ତାରିଖରେ ବହୁ ପ୍ରତିକ୍ଷିତ ଅଯୋଧ୍ୟା ରାମ ମନ୍ଦିରର ଭୂମି ପୂଜନ ଅନୁଷ୍ଠିତ ହେବ । ଏହାର ଭୂମି ପୂଜନ ନିମନ୍ତେ ଉତ୍ତର ପ୍ରଦେଶ ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କ ପକ୍ଷରୁ ସମସ୍ତ ଆୟୋଜନ ଶେଷ ପର୍ଯ୍ୟାୟରେ ପହଞ୍ଚିଛି । ଏହାର ଭୂମି ପୂଜନରେ ଖୋଦ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ନିଜେ ଯୋଗଦାନ କରିବାର କାର୍ଯ୍ୟକ୍ରମ ରହିଛି । ବର୍ତ୍ତମାନ ଏହାକୁ ନେଇ ସାରା ଭାରତ ବର୍ଷର ରାମ ଭକ୍ତଙ୍କ ମନରେ ଖୁସିର ଲହରି ଖେଳି ଯାଇଛି ତ କେଉଁଠି ଭକ୍ତ ଓ ଶ୍ରଦ୍ଧାଳୁ ମାନେ ବିଭିନ୍ନ ପୂଜା ଓ ନାମ ସଂକ୍ରିତନ କରିବାରେ ଲାଗିଛନ୍ତି । ସେହିପରି ବ୍ରହ୍ମପୁରର ବାଳୁକା ଶୀଳ୍ପୀ ସତ୍ୟ ମହାରଣା ଏହାକୁ ନେଇ ନିଜ ବାଳୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି । ସ୍ୟାଣ୍ଡ ଆନିମେସନ ଜରିଆରେ ସତ୍ୟ ନିଜର ନିଖୁଣ କଳାରେ ଦେଶବାସୀଙ୍କୁ ଅଯୋଧ୍ୟା ରାମ ମନ୍ଦିର ଭୂମି ପୂଜନର ଶୁଭେଚ୍ଛା ଜଣାଇଛନ୍ତି ।
