ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅଧିନସ୍ଥ କିଛି ପଞ୍ଚାୟତରେ ସୋମବାର ଦିନ ବ୍ରହ୍ମପୁରର ରବିନ ହୁଡ୍ ଆର୍ମି ନାମକ ଏକ ସଂଗଠନ ପକ୍ଷରୁ ଗରିବ ଅସହାୟ ଲୋକମାନଙ୍କୁ ସହାୟତା କରିବା ପାଇଁ ଶୁଖିଲା ଖାଦ୍ୟ ବଣ୍ଟନ କରିଥିବା ଜଣାପଡିଛି । ଖବରପ୍ରକାରେ , ବର୍ତ୍ତମାନ ଜିଲ୍ଲାରେ କରୋନା ମହାମାରୀ ଯୋଗୁଁ ସାଧାରଣ ଲୋକମାନେ ନିଜର ଜୀବନ ଜୀବିକା ହରାଇ ପରିବାର ପେଟପୋଷଣ ପାଇଁ ଖାଦ୍ୟାଭାବ ଦେଖା ଦେଇଥିବା ନଜରି ଆସୁଛି । ସରକାର ପକ୍ଷରୁ ଯୋଗ୍ଯ ହିତାଧିକାରୀଙ୍କୁ ଯାହା ଆର୍ଥିକ ସହାୟତା ମିଳିଥିଲେ ମଧ୍ୟ ପରିବାର ଚଳାଇବା କଷ୍ଟକର ହୋଇପଡୁଛି । ଇତି ମଧ୍ୟରେ ୪ ମାସ ବିତିଯାଇଥିଲେ ମଧ୍ଯ ଏବେ ଲୋକେ ବଞ୍ଚିବା ପାଇଁ ରାହା ଖୋଜୁଛନ୍ତି । ଏଭଳି ମହାମାରୀ ବିପର୍ଯ୍ୟୟ ସମୟରେ ସଂଘର ସଭାପତି ବିଜୟ ବଗାରିଆ ଏବଂ ଏ. ଅନିଲ କୁମାରଙ୍କ ନେତୃତ୍ବରେ ସଂଘର ଅନ୍ଯ ସଦସ୍ୟ ମାନେ ସହାୟତା ପାଇଁ ଅଣ୍ଟା ଭିଡିଥିବା ଜଣାପଡିଛି । ଏନେଇ ସୋମବାର ସକାଳୁ ସଦସ୍ୟ ମାନେ ପଦ୍ମନାଭପୁର ପଞ୍ଚାୟତର ପଦ୍ମନାଭପୁର , ମଙ୍ଗରାଜପୁର ଗ୍ରାମର ହରିଜନ ସାହିରେ ପହଞ୍ଚି ପ୍ରାୟତଃ ୨୪୦ ପକେଟ ଶୁଖିଲା ଖାଦ୍ୟ ପ୍ରଦାନ କରିଥିଲେ । ଏହିପରି କଇଠଡା , ଗୁହାଳପୁର , କଲ୍ଯାଣପୁର , ବାଗଡା ଭଳି କିଛି ଗ୍ରାମରେ ମଧ୍ୟ ଗରିବମାନଙ୍କୁ ସହାୟତା କରିଥିଲେ । ଏନେଇ ସଂଘ ପକ୍ଷରୁ ସର୍ବମୋଟ ୪୨୬ ଟି ଶୁଖିଲା ଖାଦ୍ୟ ପକେଟ ବଣ୍ଟନ କରାଯାଇଛି । ଏହି ବଣ୍ଟନ ସମୟରେ ପଦ୍ମନାଭପୁର ସରପଞ୍ଚ ବି. କ୍ରିଷ୍ଣାରାଓ ସୁବୁଦ୍ଧି , ସମିତି ସଭ୍ୟ ସୁଶାନ୍ତ ସେଠୀ , ପଞ୍ଚାୟତ ନିର୍ବାହୀ ଅଧିକାରୀ ଗୈାରାଙ୍କ ଚରଣ ଲେଙ୍କା , ଗ୍ରାମ ରୋଜଗାର ସେବକ ସନ୍ତୋଷ ପାତ୍ର , ନାଏବ ସରପଞ୍ଚ ପ୍ରତିନିଧି ମନୋଜ ଚୌଧୁରୀ ସମେତ ସଂଘ ସଦସ୍ୟ ଦାମୋଦର ଭୂୟାଁ , ଦେବାଶିଷ ଆଚାର୍ଯ୍ୟ , ଅକ୍ଷୟ ମିଶ୍ର , ଶୁଭ୍ରଜିତ ସାହୁ , ସରଗମ ସୁବୁଦ୍ଧି , ବାଦଲ ରାଉତ , ମିରା ଦେବୀ , ଶିବବ୍ରତ ପାତ୍ର , ଶ୍ରୀନିବାସ ପାତ୍ର ପ୍ରମୁଖ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ ।