Swadhina Kumar Sahu
ମେଡିକାଲ ବିଦ୍ୟାର୍ଥୀଙ୍କର ଫି ଛାଡ କରିବା ପାଇଁ ଆଜି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ର ମେଡିଭିଜିଅନ ଏମକେସିଜୀ ଶାଖା ପକ୍ଷରୁ ଦକ୍ଷିଣାଂଚଳ ଅରଡିସି ଙ୍କୁ ଦାବିପତ୍ର ପ୍ରଦାନ କରାଯାଇଛି । ଏହା ସହିତ ଏଥିପ୍ରତି ଦୃଷ୍ଟି ଆକର୍ଷଣ କରାଯାଇଛି। ସାମ୍ପ୍ରତିକ କରୋନା ମହାମାରୀ ସମୟ ରେ ସମ୍ପୂର୍ଣ୍ଣ ସମାଜ ଆଜି ଆର୍ଥିକ ଅନଟନ ଭିତରେ ଗତି କରୁଛି । କରୋନା ମହାମାରୀ ଦ୍ୱାରା ଘରର ଆର୍ଥିକ ମେରୁଦଣ୍ଡବି ଭଙ୍ଗିପଡିଛି । ଅଖିଳ ଭାରତ ବିଦ୍ୟାର୍ଥୀ ପରିଷଦର ମେଡିକାଲ ବିଦ୍ୟାର୍ଥୀ ଆୟାମ ମେଡିଭିଜିଅନ ଓଡ଼ିଶା ଶାଖା ପକ୍ଷରୁ ଓଡ଼ିଶାର ସମସ୍ତ ମେଡିକାଲ କଲେଜର ୩ ହଜାର ରୁ ଅଧିକା ବିଦ୍ୟାର୍ଥୀ ମାନଙ୍କୁ ନେଇ କରାଯାଇଥିବା ସର୍ଭେ ରେ ୯୫ ପ୍ରତିଶତ ଛାତ୍ର ଛାତ୍ରୀଙ୍କର ଘରର ପରିସ୍ଥିତି ସଂଗୀନ ଦେଖିବାକୁ ମିଳିଛି , ଅଭିଭାବକ ମାନେ ଚାକିରି ହରାଇଥିବା ତଥ୍ୟ ସାମ୍ନାକୁ ଆସିଛି । ତେଣୁ କୋର୍ସର ଫି କିଛି ପ୍ରତିଶତ ଛାଡ କରିବା ପାଇଁ ମେଡିଭିଜିଅନ ନେତୃତ୍ୱରେ ଓଡ଼ିଶାର ସମସ୍ତ ସରକାରୀ ମେଡିକାଲ କଲେଜ ର ଛାତ୍ର ସଂସଦ ସଭାପତି ଓ ସମ୍ପାଦକ ମିଳିତ ଭାବ ରେ ମେଡିକଲ୍ କଲେଜ ଡିନ୍ ,ମାନନୀୟ ରାଜ୍ୟପାଳ, ସ୍ଵାସ୍ଥ୍ୟ ବିଭାଗର ମନ୍ତ୍ରୀ ପାଖରେ ଦାବି ପତ୍ର ପ୍ରଦାନ କରାଯାଇଛି। ସୋସିଆଲ ମିଡ଼ିଆର ବିଭିନ୍ନ ପ୍ଲାଟଫର୍ମ ଯଥା ଟୁଇଟର , ଫେସବୁକ ମାଧ୍ୟମରେ ମଧ୍ୟ ଏହି ଦାବି ଜୋର ଧରିଛି ।ଏହି ଅନଲାଇନ ଆନ୍ଦୋଳନରେ ଏମକେସିଜି, କଟକର ଏସ୍ସିବି ,ସମ୍ବଲପୁରର ବୁର୍ଲା ସମେତ ସମସ୍ତ ସରକାରୀ ମେଡିକାଲ ବିଦ୍ୟାର୍ଥୀ ମାନେ ଅଂଶ ଗ୍ରହଣ କରିଛନ୍ତି । ଏହି ମେଡିକାଲ ବିଦ୍ୟାର୍ଥୀ ଫି ଛାଡ଼ କରିବା ପାଇଁ ଆଜି ଏଵିଭିପିର ରାଜ୍ୟ ସମ୍ପାଦକ ଶଶିକାନ୍ତ ମିଶ୍ର ,ଏମକେସିଜୀର ଡାକ୍ତରୀ ଛାତ୍ର ବିଭୁନନ୍ଦନ ଷଡ଼ଙ୍ଗୀ, ଅଙ୍କିତ ପାଣି , ଲଳିତ କୁମାର, ଅକ୍ଷୟ କୁଣ୍ଡୁ ପ୍ରମୁଖ ଦକ୍ଷିଣାଞ୍ଚଳ ଆରଡିସିଙ୍କୁ ଦାବିପତ୍ର ପ୍ରଦାନ କରିବା ସହିତ ଏହା ମାଧ୍ୟମରେ ମୁଖ୍ୟମନ୍ତ୍ରୀଙ୍କର ମଧ୍ୟ ଦୃଷ୍ଟି ଆକର୍ଷଣ କରାଯିବ ସହିତ ସରକାର ଏହି ଦିଗରେ ତୁରନ୍ତ ପଦକ୍ଷେପ ଗ୍ରହଣ କରିବାକୁ ଦାବି କରିଛନ୍ତି।
