ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଅନ୍ତର୍ଗତ କଇଠଡା ପଞ୍ଚାୟତ ରାଜୀବଗାନ୍ଧୀ ସେବାକେନ୍ଦ୍ର ପରିସରରେ ଲୋକଙ୍କ ସୁରକ୍ଷା ଦୃଷ୍ଟିରୁ ଚାଲିଥିବା ଆଣ୍ଟିଜେନ ଟେଷ୍ଟ କେନ୍ଦ୍ରକୁ ମଙ୍ଗଳବାର ଦିନ ସ୍ଥାନୀୟ ପ୍ରଶାସନ ପରିଦର୍ଶନ କରି ଫେରିଥିବା ଜଣାପଡିଛି । ଖବରପ୍ରକାରେ , କରୋନା ମହାମାରୀ ବର୍ତ୍ତମାନ ଗଞ୍ଜାମ ଜିଲ୍ଲାର ସ୍ଥିତିରେ ସୁଧାର ଆସିଥିଲେ ମଧ୍ୟ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଜନସାଧାରଣଙ୍କ ସୁରକ୍ଷା ଲାଗି ବିଭିନ୍ନ ପଦକ୍ଷେପ ଅବଲମ୍ବନ କରିଥିଲେ । ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ସ୍ଥାନୀୟ ସରପଞ୍ଚ ଭୀମସେନ ସାହୁ ନିଜ ପଞ୍ଚାୟତର ଜନସାଧାରଣଙ୍କୁ କରୋନା ଠାରୁ ଦୂରେଇ ରଖିବା ଏବଂ ପଞ୍ଚାୟତକୁ କରୋନା ମୁକ୍ତ କରିବା ପାଇଁ ଡାକ୍ତରୀ ଟିମ ଦ୍ଵାରା ଲୋକମାନଙ୍କ ଆଣ୍ଟିଜେନ ଟେଷ୍ଟ କରାଇଥିଲେ । ଏନେଇ ମଙ୍ଗଳବାର ମଧ୍ୟାହ୍ନରେ ଦିଗପହଣ୍ଡି ତହସିଲଦାର ଅଦୈତ କୁମାର ସ୍ବାଇଁ , ବିଡ଼ିଓ ହଳଧର ଶବର କେନ୍ଦ୍ର ବୁଲିବା ସହ ସ୍ଥିତି ପରଖି ଫେରିଥିବା ଜଣାପଡିଛି । କଇଠଡା ପଞ୍ଚାୟତର ୧୨୯ ଜଣଙ୍କ ନାମ ପଞ୍ଜିକରଣ କରାଯାଇଥିଲା ସେମାନଙ୍କ ମଧ୍ୟରୁ ୪୨ ଜଣ ଗର୍ଭବତୀ ମହିଳା ରହିଥିବା ଜଣାପଡିଛି । ବିଭିନ୍ନ ରୋଗର ଲକ୍ଷଣ ଥିବା ଡାକ୍ତରୀ ଟିମ ଦ୍ଵାରା ୧୨୯ ଜଣଙ୍କ ଆଣ୍ଟିଜେନ ଟେଷ୍ଟ ଦ୍ଵାରା ସ୍ବାବ ସଂଗ୍ରହ କରାଯାଇଥିଲା । ଏହି ଟେଷ୍ଟ ସମୟରେ ସରପଞ୍ଚ ଶ୍ରୀ ସାହୁ ସମେତ ଡଃ . ନିବେଦିତା ନନ୍ଦ , ଅଙ୍ଗନୱାଡ଼ି ସୁପରଭାଇଜର ଇନ୍ଦିରା ମହାପାତ୍ର , ଗ୍ରାମ ରୋଜଗାର ସେବକ ସନ୍ତୋଷ ପାତ୍ର , ଅଙ୍ଗନୱାଡ଼ି , ଆଶାକର୍ମୀ , ଏଏନଏମ ଓ କୋଭିଡ ମନିଟର ସଦସ୍ୟ ଉପସ୍ଥିତ ରହି ସହଯୋଗ ପ୍ରଦାନ କରିଥିବା ଜଣାପଡିଛି । ଏଭଳି କାର୍ଯ୍ୟକ୍ରମ ଶାନ୍ତିପୂର୍ଣ୍ଣ ଭାବରେ ଶେଷ ହୋଇଥବାରୁ ପଞ୍ଚାୟତବାସୀ ଓ ନିୟୋଜିତ ଷ୍ଟାପ ସଦସ୍ଯଙ୍କୁ ଧନ୍ୟବାଦ ଅର୍ପଣ କରିବା ସହ ପୂନର୍ବାର ଏହି କାର୍ଯ୍ୟକ୍ରମ ପଞ୍ଚାୟତରେ ଜାରି ରହିବ ବୋଲି କହିଛନ୍ତି ।