ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ଭିଷ୍ମଗିରୀ ଗ୍ରାମରେ ପୂର୍ବ ଶତ୍ରୁତାରୁ ଆକ୍ରମଣ ମାମଲାରେ ଦିଗପହଣ୍ଡି ପୋଲିସ ପୂର୍ବରୁ ଥାନାରେ ଅଟକ ରଖି ତଦନ୍ତ ଚଳାଇଥିବା ଭୀଷ୍ମଗିରି ଗ୍ରାମ ନାଳବନ୍ଧ ସାହିର ଟୁନା ମହାନ୍ତି (ବାପା) ଓ ଏବଂ ଶିବ ମହାନ୍ତି (ପୁଅ) ଉଭୟଙ୍କୁ ମଙ୍ଗଳବାର ଦିନ କୋର୍ଟ ଚାଲାଣ କରିଥିବା ଜଣାପଡିଛି । ଖବରପ୍ରକାରେ , ଗତ ବୁଧବାର ଅପରାହ୍ନ ତଥା ସ୍ପଷ୍ଟ ଦିବାଲୋକରେ ଗ୍ରାମରଗଣେଶ ମହାନ୍ତି ଓ ତାଙ୍କ ବାପା ହରିବନ୍ଧୁ ମହାନ୍ତି ଘର ବାରଣ୍ଡାରେ ବସିଥିବା ସମୟରେ ପୂର୍ବ ଶତ୍ରୁତାକୁ କେନ୍ଦ୍ରକରି କିଛି ଖଳ ପ୍ରକୃତିର ଲୋକ ବିଭିନ୍ନ ମାରଣାସ୍ତ୍ର ସାହାଯ୍ୟରେ ଅତର୍କିତ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରାଯାଇ ବ୍ରହ୍ମପୁର ବଡଡ଼ାକ୍ତରଖାନାକୁ ନିଆଯାଇଥିଲା । ସେଠାରୁ ସୁସ୍ଥ ହୋଇ ଫେରିବା ପରେ ଏନେଇ ଗଣେଶ ଓ ହରିବନ୍ଧୁ ଦିଗପହଣ୍ଡି ଥାନାରେ ଅଭିଯୁକ୍ତ ବିରୋଧରେ ଏକ ଲିଖିତ ଅଭିଯୋଗ କରିଥିଲେ । ଲିଖିତ ଅଭିଯୋଗ ପ୍ରକାରେ ଦିଗପହଣ୍ଡି ଥାନା ପୋଲିସ ଉଭୟ ଅଭିଯୁକ୍ତଙ୍କୁ ଥାନାକୁ ଆଣି ଅଟକ ରଖି ପଚରାଉଚରା କରିବା ସହ ନିୟମାନୁଯାୟୀ କରୋନା ପରୀକ୍ଷା କରାଯାଇଥିଲା । ତେବେ ମଙ୍ଗଳବାର ସେମାନଙ୍କ ରିପୋର୍ଟ ନେଗେଟିଭ ଆସିବା ପରେ ଥାନା କେସ ନଂ ୧୬୪/୨୦ ଅନୁଯାୟୀ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା । ସେଠାରେ ଜାମିନ ଆବେଦନ ଖାରଜ ହୋଇଯିବାରୁ ଅଭିଯୁକ୍ତ ବାପ , ପୁଅ ଦୁହିଁଙ୍କୁ ଦିଗପହଣ୍ଡି ଉପ କାରାଗାରକୁ ପଠାଇ ଦିଆଯାଇଥିବା ଦିଗପହଣ୍ଡି ଥାନା ଅଧିକାରୀ ବସନ୍ତ କୁମାର ସେଠୀ ସୂଚନା ପ୍ରଦାନ କରିଛନ୍ତି ।