Kiran Behera
ଗଞ୍ଜାମ ଜିଲ୍ଲାରେ କରୋନାକୁ ନେଇ ଅସମ୍ଭାଳ ପରିସ୍ଥିତି ଦେଖାଦେଇଛି । ଯାହାଫଳରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଜିଲ୍ଲାର ସମସ୍ତ ପ୍ରବେଶ ପଥ ସିଲ୍ କରିଥିବା ବେଳେ ଗ୍ରାମରୁ ସହରାଞ୍ଚଳ ଓ ସହରାଞ୍ଚଳରୁ ଗ୍ରାମକୁ ଯିବା ଆସିବା ପାଇଁ ଲୋକମାନଙ୍କ ଉପରେ କଟକଣା ଜାରି କରିଛନ୍ତି । ଏହି ଅବସରରେ ବ୍ରହ୍ମପୁର ଆରକ୍ଷୀ ଅଧିକ୍ଷକ ପିନାକ ମିଶ୍ରଙ୍କ ନିର୍ଦ୍ଦେଶକ୍ରମେ ଶୁକ୍ରବାର ଦିନ ଦିଗପହଣ୍ଡି ପୋଲିସ ପକ୍ଷରୁ ଦିଗପହଣ୍ଡି - ବ୍ରହ୍ମପୁର ଚେକ୍ ଗେଟ ନିକଟରେ ଯାତାୟାତ କରୁଥିବା ଯାନବାହାନ ଯାଞ୍ଚ କଡାକଡି କରାଯାଇଥିବା ଜଣାପଡ଼ିଛି । ଏନେଇ ଦିଗପହଣ୍ଡି ଥାନା ଅଧିକାରୀ ବସନ୍ତ କୁମାର ସେଠୀଙ୍କ ନେତୃତ୍ୱରେ ଦିଗପହଣ୍ଡି ଥାନାରେ ନୂତନ ଭାବେ କାର୍ଯ୍ୟରେ ଯୋଗ ଦେଇଥିବା ଏସଆଇ ଶସ୍ମିତା ସେଠୀ ଓ ପୋଲିସ କର୍ମଚାରୀମାନେ ଉକ୍ତ ଫାଟକରେ ମୁତୟନ ରହି ଉଭୟ ପାର୍ଶ୍ବରୁ ଆସୁଥିବା ସମସ୍ତ ଗାଡିକୁ କଡାକଡି ଟିକିନିଖ ତନଖି ଯାଞ୍ଚ କରୁଥିବା ଜଣାପଡିଛି । ଏଥିସହ ସହର ଠାରୁ ଆରମ୍ଭ କରି ମୁଖ୍ୟ ଛକ ମାନଙ୍କରେ ପୋଲିସ ଜଗି ରହି ସରକାରଙ୍କ ନିୟମକୁ ଉଲ୍ଲଂଘନ କରି ବୁଲୁଥିବା ଅମାନିଆ ଯୁବକମାନଙ୍କୁ ନ ବୁଲିବା ପାଇଁ ସଚେତନ କରାଉଛନ୍ତି । ଏହି ଅବସରରେ ଅମାନିଆ ଯୁବକ ଠାରୁ ୪ ହଜାର ୪ ଶହ ଟଙ୍କା ଜୋରିମାନା ଆଦାୟ କରାଯାଇଛି ।
