Kiran Behera
ଗଞ୍ଜାମ ଜିଲ୍ଲାପାଳ ଓ ବ୍ରହ୍ମପୁର ଅବକାରୀ ଅଧିକ୍ଷକ ରାମଚନ୍ଦ୍ର ମିଶ୍ରଙ୍କ ନିର୍ଦ୍ଦେଶକ୍ରମେ ଶୁକ୍ରବାର ବିଳମ୍ବିତ ସନ୍ଧ୍ୟାରେ ଦିଗପହଣ୍ଡି ଅବକାରୀ ବିଭାଗ ପକ୍ଷରୁ ପୃଥକ ପୃଥକ ସ୍ଥାନରେ ଅତର୍କିତ ଚଢାଉ କରାଯାଇ ୧୬ ଲିଟର ଚୋରା ରନ୍ଧାମଦ ଜବତ କରାଯାଇଥିବା ଜଣାପଡିଛି । ଖବରନୁଯାୟୀ , ଶୁକ୍ରବାର ସନ୍ଧ୍ୟାରେ ଦିଗପହଣ୍ଡି ଅବକାରୀ ବିଭାଗ ଉପ ନୀରିକ୍ଷକ ଅଭିରାମ ସାହୁଙ୍କ ନେତୃତ୍ୱରେ ବିଭାଗୀୟ କର୍ମଚାରୀ ମାନେ ପେଟ୍ରୋଲିଂ କରୁଥିବା ସମୟରେ ମୌଳାଭଞ୍ଜା , ମେଘଝୋଳି ଓ ଜକମେରିପଲ୍ଲୀ ଗ୍ରାମମାନଙ୍କରେ ମଦବେପାରୀ ମାନେ ଗ୍ରାମର ଲୁଟାବୁଦାରେ ଲୁଚାଇ ରଖି ବେଆଇନ ଭାବେ ଚୋରା ରନ୍ଧାମଦ ବିକ୍ରି କରୁଥିବା ବିଶେଷ ସୁତ୍ରରୁ ଖବରପାଇ ଚଢ଼ାଉ କରି ଥଣ୍ଡା ପାନୀୟ ବୋତଲରେ ଭର୍ତ୍ତି ଥିବା ୧୬ ଲିଟର ମଦକୁ ଜବତ କରିଥିଲେ । ହେଲେ ପୂର୍ବରୁ ଖବରପାଇ ମଦବେପାରୀ ମାନେ ଗିରଫ ଭୟରେ ଉକ୍ତ ସ୍ଥାନକୁ ଛାଡି ସେଠାରୁ ପଳାଇଥିବା ଜଣାପଡିଛି । ଏନେଇ ଅବକାରୀ ମାମଲା ନଂ - ୩୭/୨୦ ଅନୁଯାୟୀ ମାମଲା ରୁଜୁ କରାଯାଇଛି । ଏହି ଚଢାଉ ଧରପଗଡରେ ଦିଗପହଣ୍ଡି ଅବକାରୀ ବିଭାଗ ଉପ ନୀରିକ୍ଷକ ଅଭିରାମ ସାହୁ ସମେତ ଏଏସ୍ଆଇ ରବିନ୍ଦ୍ରନାଥ ପାଢ଼ୀ , ନିରଞ୍ଜନ ବେହେରା , ଗୋବିନ୍ଦ ବେହେରା , ଡମ୍ବରୁ ବେହେରା ,ଅଜୟ କୁମାର ସାହୁ , ପଦ୍ମାବତୀ ସେଠୀ ପ୍ରମୁଖ ସାମିଲ ଥିଲେ ।
