Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ କଇଠଖଣ୍ଡି ଗ୍ରାମ ନିକଟସ୍ଥ ଘୋଡାହଡ ନଦୀଗଣ୍ଡରୁ ମଙ୍ଗଳବାର ପୂର୍ବାହ୍ନ ୮ ଘଣ୍ଟ ସମୟରେ ଗ୍ରାମର ସିମାଞ୍ଚଳ ସାହୁ (୫୫) ନାମକ ଜଣେ ଜଡିବୁଟିକୁ ଭାସୁମାନ ଅବସ୍ଥାରେ ଉଦ୍ଧାର କରାଯାଇଥିବା ଜଣାପଡ଼ିଛି । ଖବରପ୍ରକାରେ , ଦିଗପହଣ୍ଡି ବ୍ଲକ କଇଠଖଣ୍ଡି ଗ୍ରାମର ବଡସାହି ବାସିନ୍ଦା ସିମାଞ୍ଚଳ ପେଷାରେ ଜଣେ ଜଡିବୁଟି ବେପାରୀ । ପ୍ରତ୍ୟେକ ଦିନ ଭଳି ସୋମବାର ଦିନ ଜୁଆଣି ଅର୍କ ବେପାର କରିବା ପାଇଁ ଯାଇ ଆଉ ଘରକୁ ଫେରିନଥିଲେ । ପରିବାର ଓ ଗ୍ରାମବାସୀ ଗତକାଲି ବିଳମ୍ବିତ ରାତିଯାଏ ଖୋଜାଖୋଜି କରିଥିଲେ ମଧ୍ୟ କୈାଣସି ସନ୍ଧାନ ପାଇନଥିଲେ । କିନ୍ତୁ ମଙ୍ଗଳବାର ସକାଳ ୮ ଟାରେ ଗ୍ରାମଦେଇ ପ୍ରବାହିତ ହେଉଥିବା ଘୋଡାହଡ ନଦୀ ଘାଇକୁଡ ଗଣ୍ଡରୁ ଯୁବକଙ୍କ ମୃତଦେହ ଭାସୁଥିବା ଅବସ୍ଥାରେ ଦେଖିଥିଲେ । ଗ୍ରାମବାସୀଙ୍କ କହିବାନୁଯାୟୀ , ସିମାଞ୍ଚଳ ସବୁଦିନ ଭଳି ବେପାର କରି ଫେରୁଥିବା ବେଳେ ବାଟରେ ପଡିଥିବା କାଚବୋତଲ ଗୁଡିକୁ ଆଣି ଉକ୍ତ ନଦୀଗଣ୍ଡରେ ଧୋଇ ଘରକୁ ଫେରୁଥିଲେ । ଘଟଣାପରେ ଗ୍ରାମବାସୀ ସ୍ଥାନୀୟ ସରପଞ୍ଚ କୀର୍ତ୍ତି ଚନ୍ଦ୍ର ଗୈାଡ ଓ ଦିଗପହଣ୍ଡି ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବରପାଇ ଦିଗପହଣ୍ଡି ଅଗ୍ନିଶମ ବିଭାଗ ଇନଚାର୍ଜ ବଳରାମ ବେହେରାଙ୍କ ନେତୃତ୍ବରେ ବିଭାଗୀୟ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ନଦୀଗଣ୍ଡରୁ ଯୁବକଙ୍କୁ ଉଦ୍ଧାର କରି ନିକଟସ୍ଥ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ । କିନ୍ତୁ ସେଠାରେ ଉପସ୍ଥିତ ଡାକ୍ତର ସିମାଞ୍ଚଳକୁ ମୃତ ଘୋଷଣା କରିଥିଲେ । ଘଟଣାପରେ ଦିଗପହଣ୍ଡି ଥାନା ପୋଲିସ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପହଞ୍ଚି ମୃତଦେହକୁ ଜବତ କରି ମାମଲା ରୁଜୁ କରି ବ୍ରହ୍ମପୁର ବଡଡ଼ାକ୍ତରଖାନାକୁ ଶବ ବ୍ୟବଚ୍ଛେଦ ନିମନ୍ତେ ପଠାଇଥିବା ଜଣାପଡ଼ିଛି ।
ଲକଡାଉନ୍ ଘୋଷଣାରେ ଥମିଯାଇଛି ଦେଶର ସମସ୍ତ ଆର୍ଥିକ ଗତିବିଧି, ଜୁଲାଇରେ ହିଁ ଦେଶର ବଜେଟ୍ ଅନୁମାନକୁ ଅତିକ୍ରମ କରିଯାଇଛି ରାଜସ୍ୱ ନିଅଣ୍ଟ ଆକଳନ !
Read More...
