Swadhina Kumar Sahu
ଵ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା ଆଜି କରୋନା ପୋଜିଟିଭ ହୋଇଛନ୍ତି । ସେ ଗତକାଲି ସାମାନ୍ୟ ଅସୁସ୍ଥତା ଅନୁଭବ କରିବା ପରେ ନିଜର କରୋନା ଟେଷ୍ଟ କରିଥିଲେ । ତେବେ ଇତି ମଧ୍ୟରେ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ସେ ତୁରନ୍ତ ଆଇସୋଲେସନରେ ରହିବା କିମ୍ବା ଲକ୍ଷଣ ଦେଖାଗଲେ ତୁରନ୍ତ ନିଜର କରୋନା ଟେଷ୍ଟ କରିବା ପାଇଁ ଅନୁରୋଧ କରିଛନ୍ତି । ସେ ଆଜି ଵ୍ରହ୍ମପୁର ଅଶ୍ୱିନ ହସ୍ପିଟାଲରେ ଭର୍ତି ହୋଇଛନ୍ତି । ସୂଚନାଯୋଗ୍ୟ ଯେ ଇତି ମଧ୍ୟରେ ବିଧାୟକ ଶ୍ରୀ ପଣ୍ଡାଙ୍କ ପରିବାରର ବାପା ଏବଂ ମା ଙ୍କ ସମେତ ଅନ୍ୟ ସଦସ୍ୟଙ୍କୁ ମଧ୍ୟ କରୋନା ପୋଜିଟିଭ ହୋଇ ଵ୍ରହ୍ମପୁର ଅଶ୍ୱିନ ହସ୍ପିଟାଲରେ ଚିକିତ୍ସିତ ହେଉଛନ୍ତି । ବିଧାୟକଙ୍କ କିଛି ସହଯୋଗୀ ଏବଂ ସ୍ତାନୀୟ ନେତାଙ୍କୁ ମଧ୍ୟ କରୋନା ପୋଜିଟିଭ ହୋଇଛି । ତେବେ ଏହି ରୋଗରେ କେହି ଭୟଭିତ ନ ହୋଇ ଲକ୍ଷଣ ଦେଖାଦେବା ସଙ୍ଗେସଙ୍ଗେ ନିଜର ଟେଷ୍ଟ କରାଇ ଡ଼ାକ୍ତରଙ୍କ ପରାମର୍ଶ ନେଇ ଚିକିତ୍ସିତ ହେବା ଆବଶ୍ୟକ ବୋଲି ବିଧାୟକ ଶ୍ରୀ ପଣ୍ଡା କହିଛନ୍ତି । ସରକାର କରୋନା ରୋଗୀଙ୍କ ପାଇଁ ମାଗଣା ଚିକିତ୍ସାର ବ୍ୟବସ୍ଥା କରିବା ସହ ସମସ୍ତ ସୁବିଧା କରିଛନ୍ତି । ସରକାରଙ୍କ ଦ୍ୱାରା ନିର୍ଧାରିତ ନିୟମ ମାନିଲେ କରୋନା ହାରିବ ଆମେ ଜିତିବା ବୋଲି ବିଧାୟକ ଶ୍ରୀ ପଣ୍ଡା କହିଛନ୍ତି
