BHAGYAPRABHA NEWS
ପୁଣି ବଢ଼ିବ ଭାରତୀୟ ବାୟୁସେନାର ଶକ୍ତି। କାରଣ ଶତ୍ରୁ ପକ୍ଷର ନିଜ ହଜାଇବାକୁ ଭାରତୀୟ ବାୟୁସେନାର ସାମିଲ ହେବ ବିଧ୍ୱଂସୀ ଯୁଦ୍ଧ ବିମାନ ରାଫେଲ। ପୂର୍ବରୁ ୫ଟି ରାଫେଲ ଜେଟ୍ ଭାରତୀୟ ବାୟୁସେନା ପାଖରେ ରହିଥିଲା। ଆସନ୍ତାକାଲି ଆଉ ୩ଟି ରାଫେଲ ଜେଟ୍ ଭାରତରେ ପହଞ୍ଚିବ ବୋଲି ଜଣାପଡ଼ିଛି। ପୂର୍ବଥର ପରି ଏଥର ମଧ୍ୟ ୩ଟି ଯାକ ରାଫେଲ ଜେଟ୍ ହରିଆଣା ସ୍ଥିତ ଅମ୍ବାଲା ଏୟାରବେସ୍ରେ ଭାରତୀୟ ମାଟିକୁ ସ୍ପର୍ଶ କରିବ। ବୁଧବାର ସନ୍ଧ୍ୟା ସୁଦ୍ଧା ରାଫେଲ ଭାରତରେ ପହଞ୍ଚି ସାରିଥିବ ବୋଲି ସରକାରୀ ସୂତ୍ରରୁ ଜଣାପଡ଼ିଛି।ଜୁଲାଇ ୨୮ରେ ବହୁ ପ୍ରତିକ୍ଷାର ଅନ୍ତ ଘଟାଇ ଫ୍ରାନ୍ସ ସରକାର ପ୍ରଥମ ଦଫାରେ ୫ଟି ରାଫେଲ ଜେଟ୍ ଭାରତକୁ ଦେଇଥିଲେ। ଏହା ବିଧିବଦ୍ଧ ଭାବେ ସେପ୍ଟେମ୍ବର ୧୦ରେ ଭାରତୀୟ ବାୟୁସେନାରେ ସାମିଲ ହୋଇଥିଲା।ଏହି ୫ଟି ରାଫେଲ ଜେଟ୍କୁ ଲଦାଖରେ ମୁତୟନ କରାଯାଇଛି। ଚାଇନା ସହ ସୀମା ବିବାଦ ବଢ଼ୁଥିବାରୁ ଭାରତ ସରକାର ରାଫେଲକୁ ଲଦାଖରେ ହିଁ ରଖିଛନ୍ତି।ଏବେ ଆସିବାକୁ ଥିବା ୩ଟି ରାଫେଲ ଜେଟ୍ କେଉଁଠି ମୁତୟନ ହେବ ଜଣାପଡ଼ିନାହିଁ। ଭାରତୀୟ ବାୟୁସେନାର ଶକ୍ତି ବୃଦ୍ଧି ଲାଗି ୨୦୧୬ରେ ଭାରତ ସରକାର ଫ୍ରାନ୍ସ ସହ ୩୬ଟି ରାଫେଲ ଜେଟ୍ କଣିବାକୁ ଚୁକ୍ତି କରିଥିଲେ।
