Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବାରିକସାହିର ବୃନ୍ଦାବତୀ ପୂଜା ମଣ୍ଡପ ଭଙ୍ଗାରୁଜା ଓ ସାହି ବାସିନ୍ଦାଙ୍କୁ ଗାଳି ଗୁଲଜ କରି ଆକ୍ରମଣ କରିଥିବା ଅଭିଯୋଗରେ ପୋଲିସ ଜଣେ ଅଭିଯୁକ୍ତଙ୍କୁ ଥାନାରେ ଅଟକ ରଖିଥିବା ଜଣାପଡିଛି । ଗତ ଗୁରୁବାର ସନ୍ଧ୍ୟା ରେ ବୃନ୍ଦାବତୀ ମଣ୍ଡପରେ ସାନ୍ଧ୍ୟ ପୂଜା କୀର୍ତ୍ତନ ଚାଲିଥିବା ବେଳେ ସାହିର ଜଣେ ବ୍ୟକ୍ତି ଓ ତାଙ୍କ ପୁଅ ସେଠାରେ ପହଞ୍ଚି ଉପସ୍ଥିତ ସାହି ବାସିନ୍ଦାଙ୍କୁ ଆକ୍ରମଣ କରିବା ସହ ମଣ୍ଡପରେ ଥିବା ତୁଳସୀ ଗଛ ଓପାଡି ଭଙ୍ଗା ରୁଜା କରିଥିବା ଅଭିଯୋଗ ହୋଇଥିଲା । ଏନେଇ ସିଏଚ୍ . ରାଜେନ୍ଦ୍ର ଙ୍କ ଏତଲା କ୍ରମେ ଥାନା ମାମଲା ନଂ. ୨୬୩/୨୦ ଦଫା - ୨୯୪/୩୨୩/୩୪୧/୫୦୬/୩୪ ଅନୁଯାୟୀ ଅଭିଯୁକ୍ତ ବାପ ପୁଅ ଙ୍କ ବିରୋଧରେ ମକଦ୍ଦମା ରୁଜୁ କରାଯାଇଥିବା ଆଇ ଆଇ ସି ବସନ୍ତ କୁମାର ସେଠୀ କହିଛନ୍ତି। ନିୟମାନୁଯାୟୀ ସୋମବାର କୋଭିଡ ପରୀକ୍ଷା ରିପୋର୍ଟ ମିଳିବା ପରେ ଥାନାରେ ଅଟକ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ତଦନ୍ତକାରୀ ପୋଲିସ ଅଧିକାରୀ ଏସ ଆଇ ମାଧବ ଚନ୍ଦ୍ର ଟାକିରୀ ଜଣାଇଛନ୍ତି।
