ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଶୁକ୍ରବାର ପୂର୍ବାହ୍ନରେ ସ୍ଥାନୀୟ ଗୋଷ୍ଠୀ ଶିକ୍ଷାଧିକାରୀ କାର୍ଯ୍ୟାଳୟ ପରିସରରେ ନୂତନ ଭାବେ ପଦୋନ୍ନତି ପ୍ରାପ୍ତ ଉଚ୍ଚ ପ୍ରାଥମିକ ଶିକ୍ଷକ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ସମ୍ବର୍ଦ୍ଧନା କରାଯାଇଥିବା ଜଣାପଡ଼ିଛି । ଶୁକ୍ରବାର ଦିନ ଗୋଷ୍ଠୀ ଶିକ୍ଷାଧିକାରୀ ବସନ୍ତ କୁମାର ପଣ୍ଡା , ମୁଖ୍ୟ କିରାଣୀ ଶ୍ରୀନିବାସ ପଟ୍ଟନାୟକ , ବରିଷ୍ଠ କିରାଣୀ ଓମକାର ପଟ୍ଟନାୟକ , ଏବିଇଓ ବାଳା ମାଝୀ , ରସାନନ୍ଦ ଘଡେ଼ଇ , ବିଶ୍ରବା ପାଇକ , ସିଦ୍ଧେଶ୍ଵର ନୋଡାଲ ହାଇସ୍କୁଲ ପ୍ରଧାନ ଶିକ୍ଷକ ଅଶୋକ କୁମାର ସ୍ବାଇଁଙ୍କ ଉପସ୍ଥିତିରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଚତୁର୍ଥ ସ୍ତରରୁ ପଦୋନ୍ନତି କରି ପ୍ରଧାନଶିକ୍ଷକ ଭାବେ ମନୋନୀତ ହୋଇଥିବା ବେଳେ ଏମାନଙ୍କୁ ଫୁଲ ଓ ମିଠା ଦିଆଯାଇ ସମ୍ମାନିତ କରାଯାଇଥିଲା । କାମେଶ୍ବର ଆଚାର୍ଯ୍ୟ ସିଏଚ. ଟିକରପଡା , ପ୍ରଶାନ୍ତ ପଟ୍ଟନାୟକ ଭୀଷ୍ମଗିରୀ , କୁଞ୍ଜବିହାରୀ ମିଶ୍ର ଦାଉଣୀ , ପ୍ରଶ୍ନ କୁମାର ରଥ ଜକର , ମିନତୀ କୁମାରୀ ମିଶ୍ର କଇଠଖଣ୍ଡି , ପୁଷ୍ପାଞ୍ଜଳି ପ୍ରଧାନ ବି.ଏଲ୍ . ଏନ୍ .ପୁର , ଧେଣ୍ଡି ରଚିତ ଗଡସାମନ୍ତରାପୁର ଉଚ୍ଚ ପ୍ରାଥମିକ ବିଦ୍ୟାଳୟକୁ ପ୍ରଧାନଶିକ୍ଷକ ଭାବେ ମନୋନୀତ ହୋଇଥିବା ଜଣାପଡିଛି । ତେବେ ଗୋପୀନାଥ ପଟ୍ଟନାୟକ ନିଜ ସ୍ବାସ୍ଥ୍ୟଗତ ସମସ୍ୟା ଯୋଗୁଁ ନିଜ ପଦୋନ୍ନତି ପଦକୁ ପ୍ରତ୍ୟାଖ୍ୟାନ କରି ପୂର୍ବଭଳି କେଦାରପୁର ପ୍ରାଥମିକ ବିଦ୍ୟାଳୟରେ ରହିବାକୁ ଚାହୁଁଛନ୍ତି । ଏହି ସମ୍ବର୍ଦ୍ଧିତ ଅବସରରେ ଶିକ୍ଷା ଜିଲ୍ଲା ସଂପାଦକ ସନାତନ ପଟ୍ଟନାୟକ , ସିଆରସିସି ଉପେନ୍ଦ୍ର ପଣ୍ଡା , ବଳରାମ ବେହେରା , ଶିକ୍ଷକ ବାୟା ଗୈାଡ , ଦାମୋଦର ପାଢୀ , ଭଗବାନ ପାଢ଼ୀ , ଏଲ୍. କୃଷ୍ଣମୂର୍ତ୍ତି ଦୋରା , ଗଣେଶ ପାଢ଼ୀ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ ।