ଗଞ୍ଜାମ ଜିଲ୍ଲା ଦିଗପହଣ୍ଡି- ରାୟଗଡ଼ା ମୁଖ୍ୟ ରାସ୍ତାର ତପ୍ତପାଣି ଘାଟିରେ ବାରମ୍ବାର ଦୁର୍ଘଟଣା ଘଟୁଥିବା ବେଳେ ଏଥିରେ କେତେ ନୀରିହ ଲୋକଙ୍କ ଜୀବନ ଯାଉଥିବା ବେଳେ ତ ଆଉ କେତେବେଳେ ଲୋକମାନେ ଗୁରୁତର ଆହତ ହେଉଛନ୍ତି । ଏନେଇ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉଥିବା ସାଧାରଣରେ ଚର୍ଚ୍ଚାର ବିଷୟ ପାଲଟିଛି । ରବିବାର ବିଳମ୍ବିତ ରାତିରେ ଗଜପତିରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ ମକା ବୋଝେଇ ଟ୍ରକ (ଡାବ୍ଳୁବି ୩୩ ଏ୪୦୫୬) ପାଟପୁର ଥାନା ସାନଖେମୁଣ୍ଡି ବ୍ଲକ ତପ୍ତପାଣି ଘାଟି ନିକଟ କାଳିବୁରେଇ ଗ୍ରାମଠାରେ ଭାରସାମ୍ୟ ହରାଇ ଓଲଟି ପଡିଥିବା ଜଣାପଡିଛି । ଘଟଣାସ୍ଥଳରେ ହେଲପର ଜଣକ ମୃତ ହୋଇଥିବା ସୂଚନା ମିଳିଥିବା ବେଳେ ଡ୍ରାଇଭର ଫେରାର ରହିଥିବା ଖବର ମିଳିପାରିଛି ।
ତେବେ ବିଳମ୍ବିତ ରାତିସୁଦ୍ଧା ମୃତକଙ୍କ ପରିଚୟ ଜଣାପଡିନାହିଁ । ଏନେଇ ପାଟପୁର ପୋଲିସ ଖବରପାଇ ସ୍ଥାନୀୟ ଥାନା ଅଧିକାରୀ ଅଜୟ ବାରିକଙ୍କ ନେତୃତ୍ୱରେ ପୋଲିସ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି ।