Swadhina Kumar Sahu
ବରିଷ୍ଟ ଆଇଏଫଏସ ଅଧିକାରୀ ଅଭୟ କାନ୍ତ ପାଠକ ଗିରଫ ହେବାପରେ ତାଙ୍କର ପୁଅଙ୍କ ସହିତ ବିଭିନ୍ନ କାର୍ଯ୍ୟରେ ସାମିଲ ଥିବା ନେଇ ଚର୍ଚ୍ଚାକୁ ଆସିବା ପରେ ଗୋପାଳପୁର ବିଧାୟକଙ୍କୁ ଆଜି ଦଳରୁ ବହିଷ୍କୃତ କରାଯାଇଛି । ଏହି ଘଟଣାକୁ ନେଇ ବର୍ତ୍ତମାନ ସାରା ରାଜ୍ୟରେ ରାଜନିତି ସରଗରମ ହୋଇ ଉଠିଛି । ଅନ୍ୟପାର୍ଶ୍ୱରେ ବ୍ରହ୍ମପୁର ଠାରେ ଗଞ୍ଜାମ ଜିଲ୍ଲା ବିଜେପି ପକ୍ଷରୁ ଏକ ପ୍ରତିନିଧି ଦଳ ବ୍ରହ୍ମପୁର ଏସ୍ପିଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି । ଗୋପାଳପୁର ନିର୍ବାଚନ ମଣ୍ଡଳିର ବହୁ ଯୁବକ ଯୁବତିଙ୍କ ଠାରୁ ଟାଟା କମ୍ପାନିରେ ଚାକିରି କରାଇଦେବା ନାମରେ ବିଧାୟକ ଏବଂ ତାଙ୍କ ସହଯୋଗୀମାନେ ମୋଟ ଅଙ୍କର ଟଙ୍କା ହଡପ କରିଥିବା ଅଭିଯୋଗ କରିଛି ବିଜେପି ଏହା ସହ ବିଧାୟକଙ୍କୁ ତୁରନ୍ତ ଗିରଫ କରିବା ସହ ତାଙ୍କ ସହଯୋଗୀଙ୍କୁ ମଧ୍ୟ ଗିରଫ କରିବାକୁ ଦାବି କରିଛନ୍ତି ।
