Kiran Behera
ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ନିର୍ଦ୍ଦେଶକ୍ରମେ ସୋମବାର ଦିନ ଦିଗପହଣ୍ଡି ବ୍ଲକ ପଦ୍ମନାଭପୁୁର ପଞ୍ଚାୟତ କାର୍ଯ୍ୟାଳୟ ପରିସରରେ ପଞ୍ଚାୟତ ସ୍ତରୀୟ ନିର୍ଭୟ କଢୀ ଓ ମୋ ଗେହ୍ଲା ଝିଅ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ଜଣାପଡିଛି । ସ୍ଥାନୀୟ ସରପଞ୍ଚ ବି . କ୍ରିଷ୍ଣାରାଓ ସୁବୁଦ୍ଧିଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମକୁ ଅଙ୍ଗନୱାଡ଼ି ସୁପରଭାଇଜର ମମତା ପଣ୍ଡା ସଂଯୋଜନା କରିଥିଲେ । ଆୟୋଜିତ କାର୍ଯ୍ୟକ୍ରମରେ ଝିଅମାନଙ୍କୁ ସ୍ବାସ୍ଥ୍ୟ , ଶିକ୍ଷା ଓ ପୃଷ୍ଟି ଯୋଗାଇଦେବା , ନିରାପତ୍ତା ସମ୍ପର୍କରେ ସଚେତନ କରାଇବା ଏବଂ ଦେଶ ତଥା ରାଜ୍ୟରେ ଚାଲିଥିବା ବାଲ୍ୟ ବିବାହ ବନ୍ଦ କରିବା ଏହାର ମୂଳ ଉଦ୍ଦେଶ୍ୟ ବୋଲି ବୈଠକରେ ସର୍ବସମ୍ମତିକ୍ରମେ ଆଲୋଚନା ହୋଇଥିଲା । ସେହିପରି ବିଜୁ କନ୍ଯାରତ୍ନ ଯୋଜନାରେ ଚାଲିଥିବା ମୋ ଗେହ୍ଲା ଝିଅ କାର୍ଯ୍ୟକ୍ରମ ପରିପ୍ରେକ୍ଷୀରେ ଗ୍ରାମର ବନିତା ସେଠୀଙ୍କ ଝିଅ ଶୁଭଶ୍ରୀ ସେଠୀଙ୍କୁ ଗେହ୍ଲା ଝିଅ ରୂପେ ପଞ୍ଚାୟତ ତରଫରୁ ସମ୍ବର୍ଦ୍ଧନା ଦିଆଯାଇଥିଲା । ଏହି କାର୍ଯ୍ୟକ୍ରମରେ ନାଏବ ସରପଞ୍ଚ ପ୍ରତିନିଧି ମନୋଜ ଚୌଧୁରୀ , ୱାର୍ଡ ସଭ୍ୟ ଅରୁଣ ପ୍ରଧାନ, ତେଲି ସମାଜ ସଭାପତି ଗଦାଧର ସାହୁ , ସଂପାଦକ ଅଞ୍ଚଳ ସାହୁ, ସିଆରସିସି ବଳରାମ ବେହେରା ସମେତ ସମସ୍ତ ଅଙ୍ଗନୱାଡ଼ି କର୍ମୀ , ଆଶା କର୍ମୀ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ ।
ନିଯୁକ୍ତି ମେଳା ପରିଦର୍ଶନ ସହ ବିଭିନ୍ନ ଉନ୍ନୟନ ମୂଳକ କାର୍ଯ୍ଯର ସମୀକ୍ଷା କଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
Read More...
