ନିର୍ବାଚନ ପୂର୍ବରୁ ମାଓବାଦୀଙ୍କ ଧମକ ପୂର୍ଣ୍ଣ ପୋଷ୍ଟର । ପୋଷ୍ଟରରେ ଲୋକମାନଙ୍କୁ ଭୋଟ ବର୍ଜନ କରିବା ସହ ନେତାଙ୍କୁ ହତ୍ୟାଧମକ ଦେବା କଥା ପୋଷ୍ଟର ରେ ଉଲ୍ଲେଖ ରହିଛି । ସାଧାରଣ ନିର୍ବାଚନ ପାଇଁ ଆଉ କିଛି ଦିନ ବାକି ଥିବାବେଳେ ଏଭଳି ମାଓବାଦୀଙ୍କ ପୋଷ୍ଟର ସାଧାରଣ ଜନତା ଓ ନେତା ମାନଙ୍କ ମନରେ କୋକୁଆ ଭୟ ସୃଷ୍ଟି ହୋଇଛି । ବିପ୍ଲବୀ ଗଣ କମିଟି ପ୍ରତିଷ୍ଠା କରିବା ପାଇଁ ମାଓବାଦୀ ମାନେ ମାଓ ପୋଷ୍ଟରରେ ଉଲ୍ଲେଖ କରିଛନ୍ତି । କନ୍ଧମାଳ ଜିଲ୍ଳା ବାଲିଗୁଡା ଦାରିଙ୍ଗିବାଡି ୫୯ ନଂ ଜାତୀୟ ରାଜପଥ କାନ୍ଦିବାନ୍ଦ ଗାଁ ନିକଟ ଜାତୀୟ ରାଜପଥରେ ମାଓ ପୋଷ୍ଟର ଲାଗିଛି । ନିର୍ବାଚନ ପୂର୍ବରୁ ମାଓବାଦୀଙ୍କ ଏଭଳି ପୋଷ୍ଟର ପୋଲିସର ଚିନ୍ତା ବଢାଇଦେଇଛି ।