ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ଏସ୍.ଟିକରପଡା ପଞ୍ଚାୟତର ବାଲିପାଟ ଠାରେ ରବିବାର ଦିନ ଶବର ସମାଜ କଲ୍ଯାଣ ସମିତି ପକ୍ଷରୁ ଏକ ଗୀତାଯଜ୍ଞ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିବା ଜଣାପଡିଛି । ଚଳିତ ବର୍ଷ ଦେଖାଦେଇଥିବା ବିଶ୍ବ ମହାମାରୀ କରୋନାର ପ୍ରକୋପକୁ ଦୂର କରିବା , ଆଗାମୀ ନୂଆବର୍ଷ ସମସ୍ତଙ୍କ ପାଇଁ ମଙ୍ଗଳମୟ ହେବା ଏବଂ ଓଡ଼ିଶାର ବାଚସ୍ପତି ଡ.ସୂର୍ଯ୍ୟ ନାରାୟଣ ପାତ୍ରଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିବା ଜଣାପଡିଛି । ସମାଜସେବୀ ମନୋଜ କୁମାର ସାହୁଙ୍କ ତତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଭାଗବତ ଧର୍ମ ପ୍ରଚାର ସମିତିର ଉଦ୍ଯୋକ୍ତା ଗୋବିନ୍ଦ ବିଷୋୟୀ , ସୁଧୀର ପାତ୍ର ଏବଂ ନିରଞ୍ଜନ ସାହୁ ପ୍ରମୁଖ ଯୋଗ ଦେଇ ଗୀତାଯଜ୍ଞର ଉପାଦେୟତା ଉପରେ ବକ୍ତବ୍ୟ ରଖିଥିଲେ ।ସ୍ବୟଂ ଭଗବାନ ଶ୍ରୀକୃଷ୍ଣଙ୍କ ମୁଖନିଃସୃତ ବାଣୀ ଗୀତାର ପ୍ରତିଟି ଶ୍ଲୋକ ଅଜ୍ଞାନୀ ମାନବକୁ ଜ୍ଞାନ ପ୍ରଦାନ କରି ସୁନ୍ଦର ସମାଜ ଗଠନରେ ସହାୟକ ହୋଇଥାଏ ବୋଲି କହିଥିଲେ । କାର୍ଯ୍ୟକ୍ରମକୁ ଗଣେଶ ରଇତ , ପ୍ରକାଶ ଗମାଙ୍ଗ , ରଘୁନାଥ ଶବର ପ୍ରମୁଖ ପରିଚାଳନା କରିଥିବା ବେଳେ ଏଥିରେ ବିଭିନ୍ନ ଅଞ୍ଚଳରୁ ଶତାଧିକ ଆଦିବାସୀ ଯୋଗ ଦେଇଥିଲେ ।