Bhagyaprabha News Bureau
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ୟୁଟ୍ୟୁବ ଆକାଉଣ୍ଟକୁ ବ୍ଲକ କଲା ଗୁଗୁଲ । ଏହା ହେଉଛି ଡୋନାଲ୍ଡ ଟ୍ରମ୍ପଙ୍କ ଅଫିସିଆଲ ଆକାଉଣ୍ଟ । ଗତ କିଛି ଦିନ ହେବ ଫେସବୁକ ଏବଂ ଟ୍ୱିଟର ମଧ୍ୟ ଟ୍ରମ୍ପଙ୍କ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଥିଲା । ଯଦିଓ ଟ୍ୱିଟର ତାଙ୍କ ଆକାଉଣ୍ଟକୁ ପୁନଃ ସ୍ଥାପିତ କରିଛି, କିନ୍ତୁ ତାଙ୍କୁ ଚେତାବନୀ ଦେଇଛି । ଯଦି ପରେ ନୀତି ଉଲ୍ଲଂଘନ କରାଯାଏ, ତେବେ ଆକାଉଣ୍ଟକୁ ସବୁଦିନ ପାଇଁ ନିଷିଦ୍ଧ କରିବାକୁ ଚେତାବନୀ ଦେଇଛି ଟ୍ୱିଟର । ତେବେ ଫେସବୁକ ଟ୍ରମ୍ପଙ୍କ ଆକାଉଣ୍ଟକୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖିଛି । ଡୋନାଲ୍ଡ ଟ୍ରମ୍ପଙ୍କ ଅଫିସିଆଲ ଚ୍ୟାନେଲକୁ ୟୁଟ୍ୟୁବରୁ ବାରଣ କରାଯାଇଛି ଏବଂ ବର୍ତ୍ତମାନ ପାଖାପାଖି ସାତ ଦିନ ପାଇଁ ଏହାକୁ ବନ୍ଦ ରଖାଯିବ ।ଆମେରିକାର କ୍ୟାପିଟୋଲ ହିଲରେ ହିଂସା ସୃଷ୍ଟି କରିବା ପାଇଁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କିଛି ସମୟ ଧରି ବିବାଦରେ ରହିଛନ୍ତି । ଗୁଗୁଲ ଟୁଇଟ କରି କହିଛନ୍ତି, ନୀତି ଉଲ୍ଲଂଘନ ଏବଂ ସମ୍ଭାବ୍ୟ ହିଂସାକୁ ଧ୍ୟାନରେ ରଖି ଆମେ ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟକୁ ସ୍ଥଗିତ ରଖାଯାଇଛି ଏବଂ ନୂତନ ବିଷୟବସ୍ତୁ ଆଉ ଅପଲୋଡ ହେବ ନାହିଁ ।
