ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ପାଟପୁର କଲେଜ ଖେଳପଡିଆ ଠାରେ ଶୁକ୍ରବାର ପୂର୍ବାହ୍ନରେ ଜୋୟା କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଥିବା ଜଣାପଡ଼ିଛି । ଓସ୍ତା ଯୁବକ ସଂଘ ପକ୍ଷରୁ ଆୟୋଜିତ ଉଦଘାଟନୀ ଉତ୍ସବରେ ରାଜ୍ୟ ପରିଷଦ ସଭ୍ୟ ଯୋଗେନ୍ଦ୍ର ସ୍ୱାଇଁ ମୁଖ୍ୟ ଅତିଥିଭାବେ ଯୋଗଦେଇ ଦୀପ ପ୍ରଜ୍ବଳନ କରିବା ସହ ଶୁଭ ଉଦଘାଟନ କରିଥିଲେ । ସେହିପରି ସମ୍ମାନିତ ଅତିଥିଭାବେ ରାଧାଦେଇପୁର ନାଏବ ସରପଞ୍ଚ ନୀଳାଞ୍ଚଳ ପ୍ରଧାନ , ଯୁବନେତା ବାସୁଦେବ ପ୍ରଧାନ , ଛାତ୍ରନେତା ଗୌରୀଶଙ୍କର ତ୍ରିପାଠୀ , ପୂର୍ବତନ କ୍ରିକେଟର ସୁରେଶ କୁମାର ହୋତା ଯୋଗଦେଇ ଉଭୟ ଦଳର ଖେଳାଳୀମାନଙ୍କୁ ଉତ୍ସାହିତ କରିବା ସହ ଭାଇଚାରା ମନୋଭାବ ପୋଷଣ କରି ଖେଳିବା ପାଇଁ ପରାମର୍ଶ ଦେଇଥିଲେ । ଆଜିକାର ଉଦଘାଟନୀ ମ୍ୟାଚରେ କାଚଖଣ୍ଡି ଦଳ ଟସଜିତି ପ୍ରଥମ ବ୍ୟାଟିଂ କରି ୧୦ ଓଭରରେ ୮ ୱିକେଟ ହରାଇ ୬୦ ରନ କରିଥିବା ବେଳେ ଆମ୍ବଗାଁ ଟିମ୍ ୫ ୱିକେଟ ବିନିମୟରେ ୫୧ ରନ କରି ୯ ରନରେ ପରାସ୍ତ ହୋଇଛନ୍ତି। ସଂଗ୍ରାମ ରାଉତ ଓ ଆକାଶ ପ୍ରଧାନ ଖେଳକୁ ପରିଚାଳନା କରିଥିବା ବେଳେ ଟୁର୍ଣ୍ଣାମେଣ୍ଟରେ ପିଣ୍ଟୁ ପ୍ରଧାନ , ମୁକେଶ ପ୍ରଧାନ , ଦିପୁ ପ୍ରଧାନ , ଶିବାଜୀ ପ୍ରଧାନ ଓ ରୁଦ୍ର ରାଉତ ସମେତ ଦଳ ସଦସ୍ୟ ମାନେ ଉପସ୍ଥିତ ରହି ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ ।