Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଅନ୍ତର୍ଗତ ବମକୋଇ ପଞ୍ଚାୟତ କୁମରଡା ଗ୍ରାମର ଇନ୍ଦ୍ରଜିତ ପ୍ରଧାନ ନାମକ ଜଣେ ଚାଷୀଙ୍କ ଧାନଖଳାରେ କୈାଣସି କାରଣରୁ ଗୁରୁବାର ଅପରାହ୍ନରେ ନିଆଁଲାଗି ୨୨ ବସ୍ତା ଧାନ ପୋଡି ପାଉଁଶ ହୋଇଯାଇଥିବା ଜଣାପଡ଼ିଛି । ଖବରପ୍ରକାରେ , ଗ୍ରାମଠାରୁ ୨ କିଲୋମିଟର ଦୂରରେ ଗୁଡିଆଳ ଘାଇତଳେ ଇନ୍ଦ୍ରଜିତ ଚଳିତ ବର୍ଷ ନିଜ ଚାଷଜମିରୁ ଧାନ ଅମଳ କରିବା ପରେ ଧାନଶସ୍ଯକୁ ୨୨ ଗୋଟି ବସ୍ତାରେ ଖଳାରେ ସ୍ଥଗିତ ରଖିଥିଲେ । ତେବେ ଆଜି ଦିନ ୪ ଘଣ୍ଟା ସମୟରେ ନିଆଁ ବାହାରୁଥିବା ଦେଖି କିଛି ଗାଇ ଚରାଳି ପରିବାର ଲୋକଙ୍କୁ ଖବର ଦେଇଥିଲେ । ଘଟଣାସ୍ଥଳରେ ପରିବାର ଲୋକେ ଓ ସମାଜସେବୀ ଋତୁପନ ପ୍ରଧାନ ଦିଗପହଣ୍ଡି ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବରପାଇ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ସକ୍ଷମ ହୋଇପାରିଥିଲା । ଏନେଇ ଚାଷୀ ଜଣକ ବହୁତ ଗରିବ ହୋଇଥିବାରୁ ଏଭଳି ଘଟଣା ଘଟିବାରୁ ଭାଙ୍ଗି ପଡିଛନ୍ତି । ଏହାପରେ ଦେଖାଳି ରାଜସ୍ବ ନିରୀକ୍ଷିକ ଗିରିଜା ମଲ୍ଲିକ ସ୍ଥାନୀୟ ତହସିଲଦାର ଅଦୈତ କୁମାର ସ୍ୱାଇଁଙ୍କୁ ଘଟଣା ସମ୍ପର୍କରେ ଜଣାଇଥିଲେ । ଏନେଇ ଗ୍ରାମବାସୀମାନେ ଇନ୍ଦ୍ରଜିତଙ୍କ ପରିବାରକୁ ସରକାରୀ ସହାୟତା ସ୍ତରରେ କ୍ଷତିପୂରଣ ପ୍ରଦାନ କରିବା ପାଇଁ ଦାବି କରିଛନ୍ତି ।
