BHAGYAPRABHA NEWS
ପର୍ବତାରୋହୀ ଏଲେଣ୍ଡ ନେଷ୍ଟ କହିଛନ୍ତି ଯେ ୧୫ ତାରିଖରେ ତାଙ୍କର କରୋନା ଯାଞ୍ଚ ରିପୋର୍ଟ ପଜିଟିଭ ଆସିଛି। ଗୁରୁବାର ଦିନ ତାଙ୍କର ନମୁନା ଯାଞ୍ଚ ହୋଇଥିଲା। ବର୍ତ୍ତମାନ ସେ ନେପାଳର ଏକ ସ୍ଥାନୀୟ ପରିବାର ସହ ଅଛନ୍ତି ବୋଲି କହିଛନ୍ତି। ମାମଲାକୁ ନେଇ ଅନୁଭବୀ ଗାଇଡ଼ ଅଷ୍ଟ୍ରେୟନ ଲୁକାସ ଏହାକୁ ସଙ୍କଟର ପ୍ରତୀକ ବୋଲି କହି ଚେତାବନୀ ଦେଇଛନ୍ତି। ସେ କହିଛନ୍ତି ଯଦି ସମସ୍ତଙ୍କ ଯାଞ୍ଚ କରାଯାଇ ତତ୍କାଳ ପଦକ୍ଷେପ ନ ନିଆଯାଏ ତାହେଲେ ଶିବିରରେ ଉପସ୍ଥିତ ହଜାର ହଜାର ପର୍ବତାରୋହୀ ସଂକ୍ରମିତ ହୋଇପାରନ୍ତି । ଏହିଭଳି ସ୍ଥିତିରେ ଶିବିରରେ ସମସ୍ତଙ୍କର ଯାଞ୍ଚ କରିବା ନିହାତି ଆବଶ୍ୟକ ବୋଲି ସେ କହିଛନ୍ତି। ଯଦି ସଂକ୍ରମଣ ବ୍ୟାପେ ତାହେଲେ ପର୍ବତାରୋହଣ ସମୟ ଅର୍ଥାତ ମେ' ମାସ ପୂର୍ବରୁ ପର୍ବତାରୋହଣ ବନ୍ଦ କରିଦିଆଯିବ।ସଂକ୍ରମଣ ବ୍ୟାପିବାରେ ରୋକିବାକୁ ସମସ୍ତ ପର୍ବତାରୋହୀ ଦଳଙ୍କୁ ଅଲଗା ଅଲଗା ରଖାଯିବା ଉଚିତ ବୋଲି ସେ କହିଛନ୍ତି। ଏହି ଘାତକ ସମୟରେ ତତ୍କାଳ ପଦକ୍ଷେପ ନିହାତି ଆବଶ୍ୟକ, ନଚେତ ବହୁତ ଡେରି ହୋଇଯିବ ବୋଲି ସେ କହିଛନ୍ତି।
