Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ସିଦ୍ଧେଶ୍ୱର ପଞ୍ଚାୟତ ଗଣିଆନାଳ ଛକର ଟୁନା ସାହୁ କରୋନା ଆକ୍ରାନ୍ତ ହେବାପରେ ଚିକିତ୍ସା ନିମନ୍ତେ ଅର୍ଥ ବାଧକ ସାଜିଥିବା ବେଳେ ସ୍ତ୍ରୀ ସଙ୍ଗୀତା ଗତକାଲି ଆର୍ଥିକ ସହାୟତା ପାଇଁ ଆକୁଳ ବୀନତି କରିଥିଲେ । ଯାହାଫଳରେ ଖବରକାଗଜରେ ପ୍ରସାରଣ ପରେ ଆଜି ସିଦ୍ଧେଶ୍ୱର ତୈଳିକ ସମାଜ ପକ୍ଷରୁ ଉକ୍ତ ପରିବାରକୁ ସହଯୋଗର ହାତ ବଢ଼ାଇବା ସହ ୧୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରିଥିବା ଜଣାପଡ଼ିଛି । ଖବରନୁଯାୟୀ , ଗ୍ରାମରେ ଏକ ଛୋଟିଆ ଲସି ଦୋକାନ କରି ପରିବାରର ଗୁଜୁରାଣ ମେଣ୍ଟାଇଥିବା ଟୁନା ବର୍ତ୍ତମାନ କରୋନା ସଂକ୍ରମିତ ହୋଇ ଏକ ମାସରୁ ଉର୍ଦ୍ଧ୍ବ କଟକର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତେବେ ପରିବାରର ଯାହା ଆର୍ଥିକ ସଞ୍ଚୟ ଥିଲା ତାହା ଟୁନାଙ୍କ ଚିକିତ୍ସା କାର୍ଯ୍ୟରେ ବ୍ୟବହୃତ ହୋଇଯାଇଛି । ଏପରିକି ଜମିବାଡ଼ି ବନ୍ଧକ ରଖି ସ୍ତ୍ରୀ ପ୍ରାୟ ୧୦ ଲକ୍ଷ ଟଙ୍କାରୁ ଉର୍ଦ୍ଧ ଖର୍ଚ୍ଚ କରିସାରିଲେଣି । ଟୁନା ସମ୍ପୂର୍ଣ୍ଣ ଆରୋଗ୍ୟ ଲାଭ ନିମନ୍ତେ ଅତିକମରେ ୫ ରୁ ଦଶ ଲକ୍ଷ ଟଙ୍କା ଆବଶ୍ୟକ । ଏହି ପରିସ୍ଥିତିରେ ପରିବାର ଲୋକଙ୍କ ପାଖରେ ଟୁନାଙ୍କ ଚିକିତ୍ସା ପାଇଁ ଆର୍ଥିକ ସମ୍ବଳ ନଥିବା ଜଣାପଡ଼ିଛି । ଏଭଳି ଘଡିସନ୍ଧି ମୁହୂର୍ତ୍ତରେ ଗତକାଲି କିଛି ସମାଜସେବୀ ଆର୍ଥିକ ସହାୟତା ପ୍ରଦାନ କରିଥିବା ବେଳେ ଆଜି ତୈଳିକ ସମାଜ ସଦସ୍ୟମାନେ ଟୁନାଙ୍କ ପରିବାରକୁ ସମାଜ ପକ୍ଷରୁ ୧୦ ହାଜର ଟଙ୍କା ସହାୟତା ରାଶି ପ୍ରଦାନ କରିଛନ୍ତି।
