ମାଁ ବାଙ୍କେଶ୍ଵରୀ କିଷାନ ସଂଘ ପକ୍ଷରୁ ରବିବାର ଦିନ ଦିଗପହଣ୍ଡି ବ୍ଲକ ଅନ୍ତର୍ଗତ ବଡ଼ଡୁମୁଳା ସ୍ଥିତ ସିଦ୍ଧ ମାଁ ବାଙ୍କଶ୍ବରୀ ପୀଠରେ କେନାଲ ସମ୍ପ୍ରସାରଣ ଫଳରେ ଚାଷୀଙ୍କ ସମସ୍ୟା ଦୂରୀଭୂତ ନେଇ ଏକ ଆଲୋଚନା ବୈଠକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କିଷାନ ସଂଘ ସଭାପତି କେ . ସଞ୍ଜୀବ କୁମାର ରେଡ୍ଡୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବଡଡୁମ୍ବୁଳା ଓ ବି . ତୁରୁବୁଡି ପଞ୍ଚାୟତର ୧୫ ଗୋଟି ଗ୍ରାମର ବହୁସଂଖ୍ୟକ ଚାଷୀ ଯୋଗ ଦେଇଥିବା ବେଳେ ସଂଘ ସଂପାଦକ ଡଃ . ପ୍ରଫୁଲ୍ଲ ପଧାନ ଏହାର ସଂଯୋଜନା କରିଥିଲେ । ଖବରନୁଯାୟୀ , ବଡ଼ଡୁମୁଳା ଓ ବି. ତୁରୁବୁଡି ପଞ୍ଚାୟତର ସାନଡୁମ୍ବୁଳା , ବଡଡୁମ୍ବୁଳା , ଦଶୀପୁର , କାଣ୍ଡସର , ବୀର ପଦ୍ମନାଭପୁୁର ଓ ସୁମନ୍ତପୁର , ଝରିପଦର ଭଳି ଅନେକ ଗ୍ରାମର ଲୋକମାନେ ଜୀବିକା ପାଇଁ ଚାଷକାର୍ଯ୍ୟ ଉପରେ ନିର୍ଭରଶୀଳ । ତେବେ ସେଠାକାର ଚାଷଜମୀକୁ ଜଳସେଚିତ କରିବା ପାଇଁ କୈାଣସି କେନାଲର ସୁବିଧା ନଥିବା ଯୋଗୁଁ ଜଳାଭାବ କାରଣରୁ ଚାଷକାର୍ଯ୍ୟ ପ୍ରଭାବିତ ହୋଇଥାଏ । ଏପରିକି ବର୍ଷାଋତୁରେ ମଧ୍ୟ ବର୍ଷାର ପରିମାଣ କମ୍ ରହୁଥିବାରୁ ରୁଆ କାର୍ଯ୍ୟ ସମୟକ୍ରମେ ହୋଇ ପାରୁନଥିବା ଚାଷୀମାନେ କହିଛନ୍ତି । ଯାହାଫଳରେ କିଷାନ ସଂଘ ପକ୍ଷରୁ ଗତ ଏକ ବର୍ଷ ଧରି କେନାଲ ସମ୍ପ୍ରସାରଣ ପାଇଁ ଦାବି କରି ଆସୁଥିଲେ । ଯାହାଫଳରେ ଉକ୍ତ କେନାଲ ସମ୍ପ୍ରସାରଣ ଦ୍ଵାରା ଉକ୍ତ ଗ୍ରାମ ଜମି ଗୁଡିକରେ ଜଳସେଚିତ ହୋଇପାରିବ ଏବଂ ଚାଷୀଙ୍କ ପାଖରେ ଚାଷକାର୍ଯ୍ୟ ନିମନ୍ତେ ଜଳର ଅଭାବ ଦେଖାଯିବ ନାହିଁ । ଏନେଇ କେନାଲ ସମ୍ପ୍ରସାରଣ ହୋଇପାରିଲେ ସମସ୍ତ ଚାଷୀ ଜମିରେ ପାଣି ପାଇପାରିବେ ତାହା ବୈଠକରେ ଆଲୋଚନା ହୋଇଥିଲା । ତେବେ ସଂଘ ପକ୍ଷରୁ କେନାଲ ସମ୍ପ୍ରସାରଣକୁ ନେଇ ଯେଉଁ ଦାବି କରି ଆସୁଥିଲେ ତାହା ଆଜି ସଫଳ ହୋଇଥିବା ବେଳେ ଏଥିନିମନ୍ତେ ଅର୍ଥ ମଞ୍ଜୁର ହେଇଥିବା ବୈଠକରେ ପ୍ରକାଶ ପରେ ଚାଷୀଙ୍କ ମନରେ ଏକପ୍ରକାର ଖୁସିର ଲହରୀ ଖେଳିଯାଇଛି । ଏଥିସହ ବୈଠକରେ ସର୍ବସମ୍ମତିକ୍ରମେ ସଂଘ ପକ୍ଷରୁ ୩ ଟି ପ୍ରସ୍ତାବ ଗୃହୀତ କରାଯାଇଥିଲା । ଏହି ଅବସରରେ ଏହି ଦୁଇ ପଞ୍ଚାୟତକୁ ମରୁଡି ଘୋଷଣା କରାଯିବା ନିମନ୍ତେ ଜଳସେଚନ ବିଭାଗ ଯନ୍ତ୍ରୀ , ମୁଖ୍ୟଯନ୍ତ୍ରୀ , ଜିଲ୍ଲାପାଳ , ବ୍ରହ୍ମପୁର ଉପଜିଲ୍ଲାପାଳ , ବାଚସ୍ପତି , ରାଜ୍ୟପାଳଙ୍କ ଉଦ୍ଦେଶ୍ୟରେ ଦିଗପହଣ୍ଡି ତହସିଲଦାରଙ୍କୁ ସ୍ମାରକପତ୍ର ଦିଆଯିବା ସକାଶେ ସଂଘ ସଭାପତି ସଞ୍ଜୀବ ରେଡ୍ଡୀ ଚାଷୀଙ୍କୁ ଆହ୍ବାନ ଦେଇଛନ୍ତି । ଏହି କାର୍ଯ୍ୟକ୍ରମରେ ଲକ୍ଷ୍ମୀକାନ୍ତ ପଟ୍ଟନାୟକ , ଗ୍ରାମ୍ୟ ସଭାପତି ଜି . ସିମାଞ୍ଚଳ ରେଡ୍ଡୀ , ପି . ରାମୁଲୁ ରେଡ୍ଡୀ , ପି . କୃଷ୍ଣଚନ୍ଦ୍ର ରେଡ୍ଡୀ , କେ . ତ୍ରିନାଥ ରେଡ୍ଡୀ , କୃତ୍ତିବାସ ପ୍ରଧାନ , କାଶି ବିଶ୍ୱନାଥ ପ୍ରଧାନ , ଯୁବକ ସଂଘ ସଭାପତି ମାଗି ଗୈାଡ , ଗୌରୀ ଶଙ୍କର ପ୍ରଧାନ , ହରିହର ଗୈାଡ , କୈଳାସ ବେହେରା , ବାବୁଲା ଗୈାଡ , ରଙ୍କ ଗୈାଡ , କୁଶ ରେଡ୍ଡୀ , ତ୍ରିନାଥ ରେଡ୍ଡୀ , ଚିତ୍ରସେନ ରେଡ୍ଡୀ , ସୁବାଷ ଗୈାଡ , ରମେଶ ଚନ୍ଦ୍ର ପାଢ଼ୀ ସମେତ ବହୁ ଚାଷୀ ସଂଘ ସଦସ୍ୟ ଉପସ୍ଥିତ ରହିଥିଲେ ।