ଗଞ୍ଜାମ ଜିଲ୍ଲା ପାଟପୁର ଥାନା ଓ ଅବକାରୀ ବିଭାଗ ଧରପଗଡ ଚାଲିଥିବା ସମୟରେ ମଙ୍ଗଳବାର ସକାଳୁ ସାନଖେମୁଣ୍ଡି ବ୍ଲକ ଦସେଇପୁର - ଘାସିଆମ୍ବ ରାସ୍ତାରୁ ୫୦ କେଜିରୁ ଉର୍ଦ୍ଧ୍ବ ଗଞ୍ଜେଇ ଜବତ କରିଥିବା ଜଣାପଡ଼ିଛି । ଉକ୍ତ ମାମଲାରେ ପୋଲିସ ଦମ୍ପତିଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି । ସେମାନେ ହେଲେ କଂସାମାରୀ ଗ୍ରାମର ଏସ୍ . ପବିତ୍ର ଦୋରା ଓ ତାଙ୍କ ସ୍ତ୍ରୀ ଇଶ୍ବରୀ ଦୋରା । ଖବରନୁଯାୟୀ , ଆଜି ସକାଳେ ପାଟପୁର ଥାନା ଏସ୍ ଆଇ ସମେତ ପୋଲିସ କର୍ମଚାରୀ ଏବଂ ଅବକାରୀ ମିଳିତଭାବେ ଧରପଗଡ ନିମନ୍ତେ ଘାସିଆମ୍ବ ରାସ୍ତାରେ ଯାଉଥିବା ସମୟରେ ଉଭୟ ସ୍ବାମୀ ସ୍ତ୍ରୀ ନିଜ ସ୍କୁଟି ( ଓଡି୦୭ ଏଜେ ୭୩୬୯) ଯୋଗେ ବିପରୀତ ଦିଗରୁ ଗଞ୍ଜେଇ ଚୋରାଚାଲାଣ ନିମନ୍ତେ ଆସୁଥିଲେ । ତେବେ ପୋଲିସକୁ ଦେଖି ଉଭୟ ହବକେଇ ଯାଇଥିଲେ । ଯାହାଫଳରେ ପୋଲିସର ସନ୍ଦେହ ହୋଇଥିଲା । ଏନେଇ ପୋଲିସ ଗାଡ଼ିକୁ ଅଟକାଇ ଥିଲେ ମଧ୍ୟ ସେମାନେ ଗାଡ଼ି ଦ୍ରୁତ ଗତିରେ ଚାଲିଯାଇଥିଲେ । ତେବେ ପୋଲିସ ଗାଡ଼ିର ପିଛା କରି ଦୁଇଟି ଅଖା ତଲାସି କରିବା ପରେ ସେଥିରେ ଗଞ୍ଜେଇ ରହିଥିବା ଜାଣି ପାରିଥିଲା । ଘଟଣାପରେ ସ୍ଥାନୀୟ ତହସିଲଦାର ଶ୍ରୀନିବାସ ବେହେରାଙ୍କ ଉପସ୍ଥିତିରେ ଉକ୍ତ ଗଞ୍ଜେଇର ଓଜନ କରାଯିବା ପରେ ଗଞ୍ଜେଇର ପରିମାଣ ୫୦ . ୯୦୦ କେଜି ବୋଲି ଜଣାପଡିଛି । ଏନେଇ ପାଟପୁର ମାମଲା ନଂ ୪୧୮/୨୦୨୧ , ଦଫା ୨୦(ବି) ଆଇଆଇ(ସି) ଏନ୍ ଡିପିଏସ୍ ଅନୁଯାୟୀ ଏକ ମାମଲା ରୁଜୁ କରାଯାଇ ଗିରଫ ଦମ୍ପତିଙ୍କୁ ଜିଲ୍ଲା ଦୌରାଜଜ କୋର୍ଟକୁ ଚାଲାଣ କରାଯାଇଛି । ସେଠାରେ ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଦ୍ବୟଙ୍କୁ ବ୍ରହ୍ମପୁର ଜେଲ୍ ହାଜତକୁ ପଠାଇ ଦିଆଯାଇଥିବା ଥାନା ଅଧିକାରୀ ସବ୍ୟସାଚୀ ମଲ୍ଲ ସୂଚନା ଦେଇଛନ୍ତି ।
ଗୋପାଳ ସମାଜ ବୈଠକ ଗୃହ ଉଦଘାଟନ ଓ ସମନ୍ବୟ ମେଳାରେ ବାଚସ୍ପତି
ସାନଖେମୁଣ୍ଡି ବିଜୁ କଲ୍ୟାଣ ସ୍ମାର୍ଟ ହେଲଥ କାର୍ଡ ବଣ୍ଟନରେ ଯୋଗଦେଲେ ପୂର୍ତ୍ତମନ୍ତ୍ରୀ ଓ ପିଡି
ଆମ ଆଣ୍ଡ୍ରଏଡ୍ ଆପ୍:
କ୍ଲାସିଫାଏଡ଼୍ସ
ବିଜ୍ଞାପନ
ଆପଣଙ୍କ ମତାମତ
ପ୍ରତିନିଧି ଲଗ୍ ଇନ୍ :
ଦର୍ଶକ ପରିସଂଖ୍ୟାନ :
>
ସଂପର୍କ କରନ୍ତୁ :