ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଅନ୍ତର୍ଗତ ଚଷା ନିମଖଣ୍ଡି ପଞ୍ଚାୟତ ପାଳଝାଡି ଗ୍ରାମର ୨ ବିଜେଡି ନେତା ସୁଦର୍ଶନ ସୁଆର ଓ ସୁଧୀର ପାତ୍ରଙ୍କୁ ହତ୍ୟା ଘଟଣାର ୫ ଦିନ ବିତିଯାଇଥିଲେ ମଧ୍ୟ ସ୍ଥାନୀୟ ପୋଲିସ ବର୍ତ୍ତମାନ ସୁଦ୍ଧା ହତ୍ୟାକାରୀକୁ ଗିରଫ କରିବାରେ ବିଫଳ ହୋଇଥିବା ଜଣାପଡିଛି । ଯାହାକୁ ନେଇ ବୁଧବାର ଦିନ ଆୟୋଜିତ ସାମ୍ବାଦିକ ସମ୍ମିଳନୀରେ ପୋଲିସର କାର୍ଯ୍ୟଦକ୍ଷତାକୁ ପ୍ରଶ୍ନ ଉଠାଇଛନ୍ତି ବିଜେପି ନେତା ଇଂ . ଉତ୍ତମ କୁମାର ପାଣିଗ୍ରାହୀ । ଖବରନୁଯାୟୀ , ଗତ ଶନିବାର ରାତିରେ ୪ ଜଣ ଦୁବୃର୍ତ୍ତ ଦୁଇ ବିଜେଡି ନେତାଙ୍କୁ ସଉରା ପାହାଡ ନିକଟବର୍ତ୍ତୀ ମୁଖ୍ୟ ରାସ୍ତାରେ ପଥର ଛେଚି ନିର୍ମମ ଭାବେ ହତ୍ୟା କରି ଘଟଣା ସ୍ଥଳରୁ ଚମ୍ପଟ ମାରିଥିଲେ । ଉକ୍ତ ଦିନଠାରୁ ସ୍ଥାନୀୟ ପୋଲିସ ପ୍ରଶାସନ ଘଟଣାସ୍ଥଳକୁ ଯାଇ ତଦନ୍ତ କରି ଆସୁଥିଲେ ମଧ୍ୟ ହତ୍ୟାକାରୀଙ୍କୁ ଧରିବାରେ ସଫଳତା ପାଇପାରି ନାହିଁ । ଯାହାଫଳରେ ଆଜି ବିଜେପି ନେତା ଶ୍ରୀ ପାଣିଗ୍ରାହୀ ପଞ୍ଚାୟତ ନିର୍ବାଚନରେ ଦୁଇ ବିଜେଡି ଗୋଷ୍ଠୀ କନ୍ଦଳ ଯୋଗୁଁ ଦୁଇ ନେତା ବଳି ପଡ଼ିଥିବା ବେଳେ ସେମାନଙ୍କ ପରିବାର ସର୍ବସ୍ବାନ୍ତ ହୋଇଥିବା କହିଛନ୍ତି । ଏଥିସହ ପୂର୍ବରୁ ସୁଦର୍ଶନ ଓ ତାଙ୍କ ପରିବାରକୁ ହତ୍ୟା ଧମକ ଦେଉଥିବା ତଥା ଏହି ହତ୍ୟାକାଣ୍ଡର ମାଷ୍ଟର ମାଇଣ୍ଡ କୁହାଯାଉଥିବା ଗଞ୍ଜେଇ ମାଫିଆ ପ୍ରଶାନ୍ତ କୁମାର ଗୈାଡଙ୍କୁ ପୋଲିସ ଧରିବାରେ କାହିଁକି ସଫଳ ହୋଇପାରୁନାହିଁ ବୋଲି ପ୍ରଶ୍ନ ଉଠାଇଛନ୍ତି । ଏନେଇ ଚିକିଟି ଏସଡିପିଓ କୃଷ୍ଣଚନ୍ଦ୍ର ଭତ୍ରାଙ୍କ ସହ ଯୋଗାଯୋଗ ପରେ ହତ୍ୟାର ମାଷ୍ଟର ମାଇଣ୍ଡ ରଚିଥିବା ପ୍ରଶାନ୍ତ ଓ ତାଙ୍କ ସହଯୋଗୀଙ୍କୁ ଗିରଫ କରିବା ପାଇଁ ପୋଲିସ ଟିମ୍ ଗଠନ କରାଯାଇଛି । ଏପରିକି ତଦନ୍ତରେ ଅଗ୍ରଗତି ଘଟିବା ସହ ପ୍ରଶାନ୍ତକୁ ଖୁବଶିଘ୍ର ଗିରଫ ପରେ ସମସ୍ତ ତଥ୍ୟ ଲୋକଲୋଚନାକୁ ଆସିବ ବୋଲି ପ୍ରତିକ୍ରିୟା ରଖିଛନ୍ତି । ଏହିପରି ଭାବେ ଗ୍ରାମବାସୀ ଓ ପରିବାର ଲୋକେ ହତ୍ୟାକାରୀଙ୍କୁ ଗିରଫ କରାଯାଇ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ପୋଲିସର ତଦନ୍ତକୁ ଚାହିଁ ରହିଛନ୍ତି । ଏନେଇ ଦଳୀୟ କର୍ମୀମାନେ ପୋଲିସ ଜାଣିଶୁଣି ବିଳମ୍ବ କରୁଥିବା ଅଭିଯୋଗ କରୁଛନ୍ତି । ହତ୍ୟାକାରୀଙ୍କୁ ଖୁବଶିଘ୍ର ଯଦି ପୋଲିସ ଗିରଫ ନକରେ ତେବେ ଆଗାମୀ ଦିନରେ ପୋଲିସ ଥାନାରେ ଗଣ ଆନ୍ଦୋଳନ କରିବାକୁ ଗ୍ରାମବାସୀ ଚେତାବନୀ ମଧ୍ୟ ଦେଇଥିବା ଜଣାପଡିଛି ।
ମାନସିକ ଭାରସାମ୍ୟ ହରାଇ ଯୁବକଙ୍କ ଆତ୍ମହତ୍ୟା
ଗାଙ୍ଗପୁର ଥାନା ଅଧିକାରୀ ଭାବେ ଯୋଗଦେଲେ ଶୁଭେନ୍ଦୁ କୁମାର ସାହୁ
ଆମ ଆଣ୍ଡ୍ରଏଡ୍ ଆପ୍:
କ୍ଲାସିଫାଏଡ଼୍ସ
ବିଜ୍ଞାପନ
ଆପଣଙ୍କ ମତାମତ
ପ୍ରତିନିଧି ଲଗ୍ ଇନ୍ :
ଦର୍ଶକ ପରିସଂଖ୍ୟାନ :
ସଂପର୍କ କରନ୍ତୁ :
Kiran Behera
