ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ବମକୋଇ ପଞ୍ଚାୟତ ଅନ୍ତର୍ଗତ କୁମରଡା ଗ୍ରାମରେ ଚାଲିଥିବା ଅଧିଷ୍ଠାତ୍ରୀ ଦେବୀ ମାଁ ବୁଢ଼ୀ ଠାକୁରାଣୀ କଣ୍ଡବାଲ୍ୟ ଯାତ୍ରା ଉପଲକ୍ଷେ ଗତକାଲି ରାତିରେ ଶ୍ରେଷ୍ଠ ସାମାଜିକ ନାଟକ “ଯେତେ କାନ୍ଦିଲେ ବି ଲୁହ ସରୁନି" ମଞ୍ଚସ୍ଥ ହୋଇଯାଇଛି । ଏଥିରେ ଦିଗପହଣ୍ଡି ବ୍ଳକ ପୂର୍ବତନ ବ୍ଲକ ଅଧ୍ୟକ୍ଷ ତଥା ୨୬ ନଂ ଜିଲ୍ଲା ପରିଷଦ ବିପିନ ଚନ୍ଦ୍ର ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଇ ଏହାର ଉଦଘାଟନ କରିଥିଲେ । ଏହି ପରିପ୍ରେକ୍ଷୀରେ ଗ୍ରାମାଞ୍ଚଳରେ କଳାର ବିକାଶ ପାଇଁ ଏଭଳି ସାମାଜିକ ନାଟକ ପରିବେଷଣ କରାଯାଉଥିବା ବେଳେ କଳାକାର ପ୍ରତିଭା ପ୍ରଦର୍ଶନର ଏକ ଉତ୍ତମ ମାଧ୍ୟମ ବୋଲି ଉଦବୋଧନ ଦେଇଥିଲେ । ନିର୍ଦେଶକ ଚିରଞ୍ଜିବି ସାହୁ ଓ ରବିନ୍ଦ୍ର ପାତ୍ରଙ୍କ ନିର୍ଦ୍ଦେଶନାରେ କଳାକାରମାନେ ନାଟକ ପରିବେଷଣ କରିଥିଲେ । ଏଥିରେ ସମ୍ମାନୀତ ଅତିଥି ଭାବେ ସ୍ଥାନୀୟ ସରପଞ୍ଚ ତପନ କୁମାର ପ୍ରଧାନ, ପୁର୍ବତନ ସରପଞ୍ଚ ଭଗବାନ ବାଡତ୍ୟା , ସମାଜସେବୀ ଲକ୍ଷ୍ମୀକାନ୍ତ ପ୍ରଧାନ , ଅଜ୍ଞାନ ପ୍ରଧାନ , କେଶବ କୁଣ୍ଡୁ , ପ୍ରକାଶ ନାଇଡୁ , ତାରିଣୀ ପ୍ରଧାନ , ଲାଲୁକାନ୍ତ ପ୍ରଧାନ , ଟୁକୁନା ପ୍ରଧାନ ପ୍ରମୁଖ ମଞ୍ଚାସୀନ ରହିଥିଲେ । ସେହିପରି ମଞ୍ଚ ପରିଚାଳନା କରିବାରେ ପୂର୍ବତନ ଛାତ୍ର ବିଜେଡ଼ି ସଭାପତି ରାଜକିଶୋର ମହାନ୍ତି ପ୍ରମୁଖ ଭୂମିକା ଗ୍ରହଣ କରିଥିଲେ । ଏଥିରେ ବିକ୍ରମ ସିଂ , ଜଗନ୍ନାଥ ପ୍ରଧାନ, ଜାଗିଲି ସେଠୀ , ଋତୁପୂର୍ଣ୍ଣ ପ୍ରଧାାନ , କୃଷ୍ଣ ସେଠୀ , ବିଦ୍ୟାଧର ପ୍ରଧାନ ସମେତ ଗ୍ରାମବାସୀ ସହଯୋଗ ପ୍ରଦାନ କରିଥିଲେ ।