Bhagyaprabha News Bureau
ରାଜ୍ୟରେ ଦିନକୁ ଦିନ ଗ୍ରୀଷ୍ମର ପ୍ରଭାବ ବଢିଚାଲିଥିବା ବେଳେ ଅଂଶୁଘାତର ସ୍ଥାୟୀ ପ୍ରତିକାର ପାଇଁ ସ୍ୱାସ୍ଥ ବିଭାଗ ତରଫରୁ ଆସନ୍ତା ୧ ତାରିଖ ଠାରୁ ରାଜ୍ୟର ଉପଖଣ୍ଡ ବ୍ଲକରେ କଣ୍ଟୋଲରୁମ ଖୋଲିବା ପାଇଁ ନିଷ୍ପତି ନିଆଯାଇଛି । । ଆସନ୍ତା ଜୁନ ମାସ ୧୫ ତାରିଖ ପର୍ଯ୍ୟନ୍ତ ସୁବିଧା ଜାରୀ ରହିବ । ଏତଦ୍ ବ୍ୟତୀତ ସମସ୍ତ ସରକାରୀ ମେଡିକାଲରେ ଅଂଶୁଘାତରେ ରୋଗୀ ମାନଙ୍କ ପାଇଁ ଆମ୍ବୁଲାନସ ୧୦୮ ଓ ୧୦୨ ର ବ୍ୟବସ୍ଥା କରାଯିବ । ରାଜ୍ୟର ବିଭିନ୍ନ ସ୍ଥାନରେ ଜଳଛତ୍ର ଖୋଲିବା ସହ ପ୍ରଚୁର ପରିମାଣରେ ଓଆରଏସ କଣ୍ଟୋଲ ରୁମରେ ମହଜୁଦ ରଖାଯିବ ଏହାର ଦାଇତ୍ୱ ସୁଚାରୁରୂପେ ଚଳାଇବା ପାଇଁ ଭିଡିଓ କନଫେରେନସ ଜରିଆରେ ତଦାରଖ କରିବା ପାଇଁ ରାଜ୍ୟ ଓ ଜିଲ୍ଲାର ନୋଡାଲ ଅଫିସର ମାନଙ୍କୁ ଦାଇତ୍ୱ ଦିଆଯାଇଛି । ଏହା ସହ ଜନସାଧାରଣ ଅଂଶୁଘାତରୁ କିପରି ରକ୍ଷା ପାଇବେ ତାହାକୁ ନେଇ ସେଥିପାଇଁ ସଚେତନତା କାର୍ଯ୍ୟକ୍ରମ କରାଯିବ ଓ ରେଡିଓ ମାଧ୍ୟମରେ ଓ ଗଣମାଧ୍ୟମ ରେ ପ୍ରଚାର କରାଯିବ ।
