ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଭ୍ରମରପୁର ଗ୍ରାମ ବାଘମରା ସାହିର ଜଣେ ରାଜମିସ୍ତ୍ରୀ ଭାବେ କାମ କରୁଥିବା ରବିଚନ୍ଦ୍ର ପ୍ରଧାନ କୌଣସି କାରଣରୁ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ଜଣାପଡିଛି । ଘଟଣାସ୍ଥଳରେ କେ . ନୂଆଗାଁ ଥାନା ପୋଲିସ ପହଞ୍ଚି ମୃତଦେହ ଜବତ କରିଥିଲା । ଖବରନୁଯାୟୀ , ମୃତ ରବିଚନ୍ଦ୍ର ଭୁବନେଶ୍ଵର ଠାରେ ରହି ରାଜମିସ୍ତ୍ରୀ ଭାବେ କାମ କରି ପରିବାର ପୋଷଣ କରୁଥିଲେ । ଗତ କିଛିଦିନ ପୂର୍ବେ ସ୍ତ୍ରୀ ପିଲାଙ୍କୁ ଛାଡି ସେ ଭୁବନେଶ୍ୱରରୁ ନିଜ ଗାଁକୁ ଆସିଥିଲେ । ଘରେ ତାଙ୍କର ବୁଢ଼ୀ ମାଆଙ୍କ ବ୍ୟତୀତ ଆଉ ଘରେ କିଏ ରହୁନଥଲେ । ଗୁରୁବାର ପୂର୍ବାହ୍ନ ପ୍ରାୟ ସାଢେ ୧୧ ଟାରେ ସେ ଆତ୍ମହତ୍ୟା କରିଥିବା ଜଣାପଡ଼ିଥିଲା । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ରବିଙ୍କ ସ୍ତ୍ରୀଙ୍କୁ ଯୋଗାଯୋଗ କରିଥିଲେ । ସ୍ତ୍ରୀ ଓ ପିଲା ମାନେ ଭୁବନେଶ୍ୱରରୁ ଆସି ସନ୍ଧ୍ୟାରେ ଗ୍ରାମରେ ପହଞ୍ଚିବା ପରେ ପୋଲିସ ଅପମୃତ୍ୟୁ ମାମଲା ନଂ.୧୦/୨୨ ଅନୁଯାୟୀ ଶୁକ୍ରବାର ବ୍ରହ୍ମପୁର ବଡ ଡାକ୍ତରଖାନାରେ ତାଙ୍କ ମୃତଦେହକୁ ବ୍ୟବଚ୍ଛେଦ କରାଯିବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।