Swadhina Kumar Sahu
ବ୍ରହ୍ମପୁର ସହର ଦେଇ ବାହାର ରାଜ୍ୟକୁ ଗୋ ଚାଲାଣ କରାଯାଉଥିବା ବେଳେ ତାହାକୁ କାବୁ କରି ପୋଲିସ ରେ ଜିମା ଦେଇଛନ୍ତି ସମାଜସେବୀମାନେ । ସୂଚନା ମୁତାବକ ଆଜି ଭୋର ୪ଟା ସମୟରେ ବ୍ରହ୍ମପୁର ଫାଷ୍ଟଗେଟ ନିକଟରେ ଅବକାରୀ ବିଭାଗ ପକ୍ଷରୁ ଖାନ ତଲାସି ଜାରି ରହିଥିବା ବେଳେ ପିକଅପ ଭ୍ୟାନ ଗୋଟିଏ ଆସିଥିଲା, ଉକ୍ତ ଭ୍ୟାନରେ ୧୦ରୁ ଉର୍ଦ୍ଧ ଗାଇ କୁ ଲଦି ଚାଲାଣ କରାଯାଉଥିଲା । ସେହି ସମୟରେ ଉକ୍ତ ସ୍ଥାନରେ ସ୍ଥାନୀୟ କିଛି ସମାଜସେବୀ ଏହାକୁ ଦେଖିଥିଲେ ଏଭା ପଛରେ ଆସୁଥିବା ୪ଟି ଗାଡି ବିଷୟରେ ମଧ୍ୟ ଖବର ସଂଗ୍ରହ କରିଥିଲେ । ଏହାପରେ ଅବକାରୀ ବିଭାଗର ସହାୟତାରେ ସମାଜସେବୀ ମାନେ ସମସ୍ତ ପାଞ୍ଚ ଗୋଟି ପିକଅପ ଭ୍ୟାନ ଏବଂ ଚାଳକ ଓ ଚାଲାଣକାରୀ ମାନଙ୍କୁ ନେଇ ବ୍ରହ୍ମପୁର ବଡ ବଜାର ଥାନାରେ ଜିମା ଦେଇଥିଲେ । ସମସ୍ତ ପାଞ୍ଚଗୋଟି ଗାଡିରେ ମୋଟ ୫୨ଟି ବିଭିନ୍ନ ପ୍ରଜାତିର ଗାଇ, ଗୋରୁ, ବାଛୁରି ଓ ଷଣ୍ଢ ରହିଥିଲେ । ଏହାପରେ ବ୍ରହ୍ମପୁର ପ୍ରାଣୀ ଚିକିତ୍ସାଳୟର କର୍ମଚାରୀମାନଙ୍କ ଦ୍ୱାରା ସମସ୍ତ ଗାଇର ଚିକିତ୍ସା କରାଯାଇଥିଲା । ସମସ୍ତ ଗାଇ ସୁସ୍ଥ ଥିବା ବେଳେ ଚାଲାଣ ବେଳେ କିଛି ଗାଇଙ୍କୁ ସାମାନ୍ୟ ଆଘାତ ଲାଗିଥିବା ପଶୁ ଚିକିତ୍ସକ କିରଣ ବିଷୋୟୀ କହିଛନ୍ତି । ସେମାନେ ଏହି ରାସ୍ତାରେ ନତିଦିନ ଚାଲାଣ କରୁଥିବା ସମେଜସେବୀମାନେ ପଚାରିବା ସମୟରେ ସୂଚନା ଦେଇଥିଲେ । ସେହିପରି ବର୍ତ୍ତମାନ ସମସ୍ତ ଗାଇ ବଡବଜାର ଥାନା ପରିସରରେ ରହିଥିବା ବେଳେ ଥାନାରେ ୯ଜଣ ଚାଲାଣକାରୀ ଅଟକ ରହିଛନ୍ତି । ଅନ୍ୟପଟେ ଏ ନେଇ ପୋଲିସ ପକ୍ଷରୁ ଏକ ମାମଲା ରୁଜ କରାଯାଇଥିବା ଜଣାଯାଇଛ । ଏହିପରି ମହାନ କାର୍ଯ୍ୟ କରିଥିବାରୁ ସମାଜସେବୀମାନଙ୍କୁ ବଜରଙ୍ଗ ଦଳ ପକ୍ଷରୁ ଉପଢୋକନ ଦେଇ ସମ୍ମାନୀତ କରାଯାଇଥିଲା । ଗାଇମାନଙ୍କୁ ଉଦ୍ଧାର କରିବାରେ ସମାଜସେବୀ ଭୈରବ ସାହୁ, ତୁଷାରକାନ୍ତ ଦାସ, ରୋସନ ସାହୁ, ଜିଣ୍ଟୁ ଦଲେଇ, ସତ୍ୟବ୍ରତ ଦାସ ।
