Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଗଣଶିକ୍ଷକ ଓ ଏକ୍ସ- କେଡର ଶିକ୍ଷକ ପକ୍ଷରୁ ଗୁରୁବାର ଦିନ ୫ ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ମାରକପତ୍ର ପ୍ରଦାନ କରାଯାଇଥିବା ଜଣାପଡ଼ିଛି । ଗଞ୍ଜାମ ଜିଲ୍ଲା ତଥା ଦିଗପହଣ୍ଡି ବ୍ଳକ ସଭାପତି ବିଜୟ କୁମାର ଗୈାଡଙ୍କ ନେତୃତ୍ୱରେ ଆଜି ସମସ୍ତ ଗଣଶିକ୍ଷକ ଓ ଏକ୍ସ - କେଡର ଶିକ୍ଷକ ସଂଘ ଏକତ୍ରିତ ହୋଇ ଏକ୍ସ - କେଡର ଉଛେଦ , ବାଦ ପଡ଼ିଥିବା ଗଣ ଶିକ୍ଷକଙ୍କୁ ନିୟମିତ , ୨୦୨୦ ଠାରୁ ବନ୍ଦ ରହିଥିବା ଇନକ୍ରେମେଣ୍ଟ ପ୍ରଦାନ , ନୂତନ ପେନସନ ବାଦଦେଇ ପୁରୁଣା ପେନସନ ପ୍ରଦାନ , କେନ୍ଦ୍ରୀୟ ହାରରେ ଦରମା ପ୍ରଦାନ ଭଳି ଦାବିନେଇ ଗୋଷ୍ଠୀ ଶିକ୍ଷା କାର୍ଯ୍ୟାଳୟରେ ପହଞ୍ଚି ଶିକ୍ଷାଧିକାରୀ କୋରେଶୁ ସେଠୀଙ୍କୁ ଦାବି ପ୍ରଦାନ କରିଥିଲେ । ଏହି ଦାବି ପ୍ରଦାନ ସମୟରେ ବ୍ଳକ ସଭାପତି ଶ୍ରୀ ଗୈାଡ ସମେତ ସଂପାଦକ ଗଙ୍ଗାଧର ପ୍ରଧାନ , ସହ ସଂପାଦକ ଅଲେଖ ନାଇକ , ଉପ ସଭାପତି ସନ୍ତୋଷ କୁମାର ସାହୁ , କାର୍ଯ୍ୟକାରୀ ସଭାପତି ମୃତ୍ୟୁଞ୍ଜୟ ଗୈାଡ , କୋଷାଧ୍ୟକ୍ଷ କୁରେଶୁ ଡାକୁଆ , ସହ କୋଷାଧ୍ୟକ୍ଷ ଭାଗିରଥି ରାହା ସମେତ ସମସ୍ତ ଶିକ୍ଷକ ସଂଘ ଉପସ୍ଥିତ ରହିଥିଲେ ।
