ବ୍ରହ୍ମପୁର- ଆଫ୍ରିକା ମହାଦେଶର ଉଚ୍ଚତ୍ତମ ଶୃଙ୍ଗ ମାଉଣ୍ଟ କିଲିମାଞ୍ଜାରୋ ଅଭିମୁଖେ ଯାତ୍ରା ଆରମ୍ଭ କରିଛନ୍ତି ବ୍ରହ୍ମପୁରର ଝିଅ ମଧୁସ୍ମିତା ପାତ୍ର । ଆଜି ମଧୁସ୍ମିତାଙ୍କୁ ବ୍ରହ୍ମପୁର ପ୍ରେସ କ୍ଲବ ପରିସରରେ ପୁଷ୍ପଗୁଚ୍ଛ ଓ ଉପଢୌକନ ଦେଇ ଉତ୍ସାହିତ କରିଛନ୍ତି ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ, ବିଧାୟକ ବିକ୍ରମ ପଣ୍ଡା, ମେୟର ସଂଘମିତ୍ରା ଦଲେଇ, ଡେପୁଟି ମେୟର ଇ ବିବେକ ରେଡ୍ଡୀ । ସୂଚନା ମୁତାବକ ବ୍ରହ୍ମପୁର ଗୋଷାଣିନୁଆଗାଁ ଅଞ୍ଚଳର ପୂର୍ବତନ ବାୟୁସେନା ଅଧିକାରୀ ପ୍ରେମାନନ୍ଦ ପାତ୍ରଙ୍କ ଝିଅ ହେଉଛନ୍ତି ମଧୁସ୍ମିତା । ସେ ସପ୍ଟୱେୟାର ଇଞ୍ଜିନିୟରିଂ ପଢା ଶେଷ କରିବା ପରେ ବର୍ତ୍ତମାନ ଟିସିଏସରେ କାର୍ଯ୍ୟରତ ଅଛନ୍ତି । ଏହି ସମୟରେ ନିଜ ସହକର୍ମୀଙ୍କ ସଂସ୍ପର୍ଷରେ ଆସି ହିମାଳୟ ପର୍ବତାରୋହଣ ପ୍ରତିଷ୍ଠାନ ଦାର୍ଜିଲିଂ ଠାରେ ପର୍ବତାରୋହଣ ଶିକ୍ଷାଲାଭ କରିଥିଲେ । ଏହାପରି ସେ ପ୍ରଥମେ ମାଉଣ୍ଟ ରେନକ ପରେ ଚାଦର ଟ୍ରେକ, କେଦାରକଣ୍ଠ ପରେ ବର୍ତ୍ତମାନ ଆଫ୍ରିକା ମହାଦେଶର ଉଚ୍ଚତ୍ତମ ଶୃଙ୍ଗ ମାଉଣ୍ଟ କିଲିମାଞ୍ଜାରୋ ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ସେ ୦୯.୦୨.୨୦୨୩ରେ କିଲିମାଞ୍ଜାରୋର ପାଦ ଦେଶରୁ ଆରମ୍ଭ କରି ପ୍ରାୟ ପାଖାପାକି ୬ ହଜାର ମିଟର ଆରୋହଣ କରି ପର୍ବତ ଶଇଖରରେ ୧୬.୦୨.୨୦୨୩ରେ ପହଞ୍ଚିବାର ଲକ୍ଷ୍ୟ ରଖିଛନ୍ତି । ସେହିପରି ଆଗାମୀ ବର୍ଷରେ ସେ ସର୍ବୋଚ୍ଚ ଶୃଙ୍ଗ ମାଉଣ୍ଟ ଏଭରେଷ୍ଟ ଆରୋହଣ କରିବା ପାଇଂ ଲକ୍ଷ୍ୟ ରଖିଥିବା କହିଛନ୍ତି । ସେହିପରି ମଧୁସ୍ମିତାଙ୍କ ତାଙ୍କର ଏହି ଲକ୍ଷ୍ୟରେ ଆଗକୁ ବଢିବା ଓ ସଫଳତା ହାସଲ କରିବା ଦ୍ୱାରା ଏହା ଆମ ବ୍ରହ୍ମପୁର ସମେତ ରାଜ୍ୟ ପାଇଁ ଗର୍ବ ଓ ଗୌରବ ଆଣିବ ବୋଲି ଅତିଥିମାନେ କହିଛନ୍ତି ।