Rasmi Ranjan Sahu
ବିଭିନ୍ନ ଧର୍ମକୁ ସମାଲୋଚନା କରିବା ସହ ଧର୍ମ ନାଁରେ ଅପପ୍ରଚାରକୁ ବିରୋଧ କରି ଥାନାରେ ପହଁଚିଲା ମାମଲା । ଏଭଳି କିଛି ଘଟଣା ଘଟିଛି ପାରଳାଖେମୁଣ୍ଡି ସହରରେ । କେହି ଆଚାର୍ଯ୍ୟ ପ୍ରବଧାନନ୍ଦ ଯୋଗେଶ୍ୱର ନାମକ ଜଣେ ବାବାଙ୍କ ପ୍ରଚାରରେ କିଛି ଯୁବକ ଯୁବତୀ ଓ କିଛି ମଧ୍ୟ ବୟସ୍କ ଲୋକେ ବିଭିନ୍ନ ଧର୍ମକୁ ସିଧାସଳଖ ସମାଲୋଚନା କରିବା ବିଭିନ୍ନ ଧର୍ମ ନାଁ ରେ ଅପପ୍ରଚାର କରି ରାସ୍ତାକଡ଼ରେ କିଛି ବହି ବାଣ୍ଟୁଥିବା କଥା ସାମ୍ନାକୁ ଆସିଲା ପରେ କିଛି ବଜରଙ୍ଗୀ ଦଳ ସଦସ୍ୟ ଓ ବିଶ୍ବହିନ୍ଦୁ ସଦସ୍ୟ ବହି ବାଣ୍ଟୁଥିବା ନିକଟରେ ପହଁଚି ଏଭଳି ବିଭିନ୍ନ ଧର୍ମନାରେ ସମାଲୋଚନା କରି ଆପ ପ୍ରଚାରକୁ ବିରୋଧ କରିବାରୁ ବହୁତ ସମୟ ଧରି ଉଭୟ ଗୋଷ୍ଟୀ ମଧ୍ୟରେ କଥା କଟାକଟି ହୋଇଥିଲା । ଏହାପରେ ବଜରଙ୍ଗୀ ଦଳର ସଦସ୍ୟ ମାନେ ବହି ଗୁଡିକୁ ଥାନାରେ ନେଇ ପ୍ରଦାନ କରିବା ସହ ଧର୍ମର ସମାଲୋଚନା ଓ ଧର୍ମ ନାମରେ ମନ୍ତବ୍ୟ ଲେଖାଯାଇଥିବା ଅଭିଯୋଗରେ ପାରଳାଖେମୁଣ୍ଡି ଥାନାରେ ବହି ଗୁଡ଼ିକ ଲେଖକ ଓ ପ୍ରକାଶଙ୍କ ବିରୋଧରେ ମାମଲା ରୁଜୁ କରିଛନ୍ତି । ତେବେ ଏହି ଘଟଣାରେ ପାରଳାଖେମୁଣ୍ଡି ପୋଲିସ ବହି ଗୁଡିକୁ ଜବତ କରି ତଦନ୍ତ ଆରମ୍ଭ କରିଛି । ତେବେ ଏହି ଘଟଣାରେ 12ଜଣଙ୍କୁ ଅଟକ ରଖାଯାଇ କାହା ଇଙ୍ଗିତରେ ଏମାନେ ଏହି କାର୍ଯ୍ୟ କରୁଥିଲେ ସେହି ତମାମ ଜିନିଷ ଉପରେ ତଦନ୍ତ କରୁଛି ପାରଳାଖେମୁଣ୍ଡି ପୋଲିସ।
