କଣ୍ଟାମାଳ:(ନବୀନ ମାହାର )କଲେଜରେ ଝିଅକୁ ପାଠ ପଢାଇବାକୁ ଅର୍ଥ ସଂଗ୍ରହ ପାଇଁ ଦାଦନ ଖଟିବାକୁ ଗଲେ ବାପା l ଦାଦାନ ଖଟିବାକୁ ଯାଇ ନିଖୋଜ ହୋଇଯିବା ପରେ ଚିନ୍ତାରେ ପରିବାର l ଝିଅ ପାଠପଢିବ ବଡ ମଣିଷ ହେବ l ଚାକିରୀ କରିଲେ ମୋ ଦୁଃଖ ଦୁରହେବ l କିନ୍ତୁ ଝିଅକୁ ପାଠ ପଢାଇ ପାଇଁ ପାଖରେ ନଥିଲା ଟଙ୍କା ପଇସା l ଶେଷରେ ବାହାର ରାଜ୍ୟକୁ ଯାଇ ସାଜିଲେ ଦାଦନ l କିନ୍ତୁ ଅର୍ଥ ଉପାର୍ଜନ ପାଇଁ ଯାଇ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିବା ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ କୁରୁକୁପା ଗ୍ରାମର କ୍ଷେତ୍ରମୋହନ ଝାଙ୍କର ଏବେ ନିଖୋଜ ହୋଇ ଯାଇଛନ୍ତି l ଏପଟେ ଚାରି ଝିଅ ଓ ଗୋଟିଏ ପୁଅକୁ ନେଇ ଚିନ୍ତାରେ ଦିନ କାଟୁଛନ୍ତି ସ୍ତ୍ରୀ କୌଶଲ୍ୟା l ଏପରି ଦୁଃଖଦ କାହାଣୀ କିଛିଦିନ ତଳେ ଗଣମାଧ୍ୟମ ଦ୍ଵାର ପ୍ରକାଶ ପାଇଥିଲା l ସୂଚନା ଅନୁଯାଇ କଣ୍ଟାମାଳ ବ୍ଲକ୍ ଆମ୍ବଗାଁ ପଞ୍ଚାୟତ ଅନ୍ତର୍ଗତ କୁରୁକୁପା ଗ୍ରାମର ଅଧିବାସୀ କ୍ଷେତ୍ରମୋହନ ଝାଙ୍କର l କ୍ଷେତ୍ରଙ୍କ ଚାରି ଝିଅ ଗୋଟିଏ ପୁଅ ଥିବାବେଳେ ବଡ ଝିଅ ଚଳିତ ବର୍ଷ ମ୍ୟାଟ୍ରିକ ପରୀକ୍ଷାରେ ଭଲ ନମ୍ବର ଥିଖି ପାସ୍ କରିଛନ୍ତି l ତେଣୁ ମେଧାବୀ ଝିଅର ଉଚ୍ଚ ଶିକ୍ଷା ପାଇଁ ଓ ଘର ଚଳିବା ପାଇଁ ଅର୍ଥର ଆବଶ୍ୟତାକୁ ଉପଲବ୍ଧି କରିବା ପାଇଁ କ୍ଷେତ୍ର ବାହାର ରାଜ୍ୟକୁ ଯିବାକୁ ମନସ୍ଥ କଲେ l ଶେଷରେ ଅନ୍ୟ ଜଣେ ବ୍ୟକ୍ତିଙ୍କ ସହାୟତାରେ ସେ ତାମିନାଡୁକୁ ଦାଦନ ଖଟିବାକୁ ଚାଳିଗଲେ l ବର୍ତ୍ତମାନ ଆଉ କ୍ଷେତ୍ରଙ୍କ କୌଣସି ପର୍ତ୍ତା ମିଳୁନାହିଁ l ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ l କ୍ଷେତ୍ର କୋଉଁ ଆଡ଼େ ନିଖୋଜ ହୋଇଯିବା ପରେ ବର୍ତ୍ତମାନ ପତ୍ନୀ କୌଶଲ୍ୟା ପାଞ୍ଚଟି ପୁଅ ଝିଅ କୁନେଇ ଅତ୍ୟନ୍ତ ଅସହାୟ ହୋଇ ପଡିଛନ୍ତି l ପରିବାର ପ୍ରତିପୋଷଣ କେମିତି କରିବେ ସେନେଇ ଚିନ୍ତାରେ କୌଶଲ୍ୟା l ଖୁଣ୍ଟିଗୋରାରେ ହେଉଥିବା ବୌଦ୍ଧ ଜିଲ୍ଲାପାଳ ଙ୍କ ଜନଶୁଣାଣୀ ଶିବିରରେ ନିଜ ପିଲାଙ୍କୁ ସାଙ୍ଗରେ ନେଇ ପଞ୍ଚିବା ପରେ ନିଜ ଦୁଃଖର କାହାଣୀ କହିଥିଲେ ଜିଲ୍ଲାପାଳ ଙ୍କୁ କୌଶଲ୍ୟା l ଏହି ଅସହାୟ ଗରିବ ପରିବାରର ଦୁଃଖଦ କାହାଣୀ ଶୁଣିବା ପରେ ଜିଲ୍ଲାପାଳ ସତ୍ୟରଞ୍ଜନ ସାହୁ ତୁରନ୍ତ ଉକ୍ତ ପରିବାରର କୁ ଏକ ନୂତନ ରାସନ କାର୍ଡ, ଦଶହଜାର ଟଙ୍କା ଓ ବଡ ଝିଅର ଉଚ୍ଚଶିକ୍ଷା ପାଇଁ ବ୍ୟବସ୍ଥା କରିଥିଲେ l ସେହିପରି ପୋଲିସ ଏସ୍.ପି ମଧ୍ୟ କିଭଳି ନିଖୋଜ ହୋଇଥିବା କ୍ଷେତ୍ରମୋହନ ଙ୍କୁ ଠାବ କରାଯାଇ ପାରିବ ସେ ନେଇ ପରିବାରକୁ ଆଶ୍ୱସନା ଦେଇଥିଲେ l ଜିଲ୍ଲା ପ୍ରଶାସନର ସହ ଯୋଗପରେ କୌଶଲ୍ୟା ଆଶ୍ୱସ୍ତି ପ୍ରକାଶ କରିବା ସହିତ ପ୍ରଶାସନକୁ କୃତଜ୍ଞତା ଜ୍ଞାପନ କରିଛନ୍ତି l ଗୋଟିଏ ପଟରେ କଣ୍ଟାମାଳ ବ୍ଲକରେ ଦାଦନ ଶ୍ରମିକଙ୍କ ଦୁଃଖ ଦିନକୁ ଦିନ ବୃଦ୍ଧି ପାଇବାରେ ଲାଗିଥିବା ବେଳେ ଦଲାଲ ମାନେ ସରକାରଙ୍କ ପ୍ରଦତ୍ତ ଶ୍ରମିକଙ୍କ ସହାୟତା ରାଶି ଲୁଟ କରୁଥିବାରେ ନେଇ ବାରମ୍ବାର ଅଭିଯୋଗ ହୋଇ ଆସୁଛି l