ଲୋକଙ୍କ ସୁବିଧାରେ ଯାତାୟାତ ଓ ସହର ମଧ୍ୟରେ ଦେଖାଯାଉଥିବା ଟ୍ରାଫିକ ସମସ୍ୟାର ସମାଧାନ କରିବା ପାଇଁ ପାରଳାଖେମୁଣ୍ଡି ଫାଏର ଷ୍ଟେସନ ଠାରୁ ପୁରୁଣା କୋର୍ଟ ଦେଇ ଯାଇଥିବା ରାସ୍ତର ଜବରଦଖଲ ଜିଲ୍ଲାପ୍ରଶାସନ ଦ୍ବାରା ଉଚ୍ଛେଦ କରାଯାଇ ଥିଲା କିନ୍ତୁ ବର୍ତ୍ତମାନ ଯାଏଁ ସମ୍ପୂର୍ଣ୍ଣ ହେଇ ପାରିଲାନି ସହର ମଧ୍ୟ ଦେଇ ଯାଇଥିବା ମୁଖ୍ୟରାସ୍ତା ମରାମତି କାମ। ଏ ନେଇ ଆଜି ସ୍ଥାନୀୟ କାଉନସଲର ଜିଲ୍ଲାପାଳଙ୍କୁ ଭେଟି ଷ୍ଟେଟ ବ୍ୟାଙ୍କ ମୁଖ୍ୟ ଶାଖା ଠାରୁ ବାଟ ଗୌଡ ସାହି ପର୍ଯ୍ୟନ୍ତ ଯୁଦ୍ଧକାଳୀନ ଭିତିରେ ଉଭୟ ପାର୍ଶ୍ଵର ନାଳ ତିଆରି ପାଇଁ ଏକ ସ୍ମାରକ ପତ୍ର ପ୍ରଦାନ କରିଛନ୍ତି। ଦୀର୍ଘ12 ବର୍ଷ ହେବ ଉକ୍ତ ଅଂଚଳରେ ନାଳ ନଥିବା ଯୋଗୁଁ ଲୋକେ ଘରେ ବ୍ୟବହାର କରୁଥିବା ପାଣି ଓ ବର୍ଷା ପାଣି ମୁଖ୍ୟରାସ୍ତା ଉପରେ ବହିଚାଲୁଚି । ଯାହା ଫଳରେ ସେହି ରାସ୍ତାରେ ଯାତାୟାତ କରୁଥିବା ଲୋକେ ବିଭିନ୍ନ ସମସ୍ୟା ର ଅସୁବିଧାର ସମ୍ମୁଖୀନ ହେବା ସହ ଏକ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି। ଏହି ସମସ୍ୟା ନେଇ ବାରମ୍ବାର ଅଭିଯୋଗ କଲେ ମଧ୍ୟ ଉଭୟ ପୂର୍ତ୍ତ ବିଭାଗ ଓ ପୌରପରିଷଦ ନିଜ ନିଜ ଉପରେ ଦୋଷ ଢାଳିବା ସହ ପରିସ୍ଥିତିକୁ ଏଡ଼ାଇ ଚାଲିଛନ୍ତି। ଆଗାମୀ ଦିନରେ ଯୁଦ୍ଧକାଳୀନ ଭିତିରେ ଷ୍ଟେଟ ବ୍ୟାଙ୍କ୍ ମୁଖ୍ୟ ଶାଖା ଠାରୁ ବାଟଗୌଡ ସାହି ଛକ ପର୍ଯ୍ୟନ୍ତ ଉଭୟ ପାର୍ଶ୍ୱରେ ନାଳ ତିଆରି କରିବା ପାଇଁ ସେ ଦାବି ଜନାଇଛନ୍ତି।