ପାରଳାଖେମୁଣ୍ଡି- ପାରଳାଖେମୁଣ୍ଡି ସ୍ଥିତ ଗଜପତି ଜିଲ୍ଲା କିଶୋର ନ୍ୟାୟ ପରିଷଦ ଦ୍ଵାରା ଏକ ମାମଲାରେ ବିଚାରଧୀନ ଜଣେ ନାବାଳକ ଦଣ୍ଡିତ ହୋଇଛି। କିଶୋର ନ୍ୟାୟ ପରିଷଦ ଗଜପତି ଜଣେ ବିଚାରଧୀନ ନାବାଳକକୁ ଏକ ହତ୍ୟା ମାମଲାର ବିଚାର କରି ପରିଷଦର ପ୍ରିନସିପାଲ ମାଜିଷ୍ଟ୍ରେଟ ଶ୍ରୀ ସତ୍ୟବ୍ରତ ରଣା ଏବଂ ସଦସ୍ୟା ଶ୍ରୀମତୀ ଭାଗ୍ୟଲକ୍ଷ୍ମୀ ନାୟକ ସମସ୍ତ ସାକ୍ଷ୍ୟ ପ୍ରମାଣକୁ ଭିତ୍ତି କରି ୨ବର୍ଷ ୩ ମାସ ଦୋଷ ଦଣ୍ଡରେ ଦଣ୍ଡିତ କରିଛନ୍ତି । ନାବାଳକର ଚରିତ୍ରରେ ସୁଧାର ଆଣିବା ପାଇଁ ପାଠପଢା ଓ ଦକ୍ଷତା ବିକାଶ ପାଇଁ ତାକୁ ବ୍ରହ୍ମପୁର ସ୍ଥିତ ସ୍ଵତନ୍ତ୍ର ଆବାସ ରେ ରହିବା ପାଇଁ ନିର୍ଦ୍ଦେଶ ଦେଇଛନ୍ତି । ସୂଚନା ମୁତାବକ ଗଜପତି ଜିଲ୍ଲା ରାୟଗଡ ଥାନା କେଶ ନଂ 54/13.06.2021 ଧାରା 302 ଓ 34 ଆପିସି ଭାରତୀୟ ପିଙ୍ଗଳ କୋଡ଼ ଅନୁସାରେ ମକଦ୍ଦମା ଚାଲିଥିଲା ।ଉକ୍ତ ମକଦ୍ଦମାଟିକୁ ସରକାରୀଙ୍କ ତରଫରୁ ଓକିଲ ଶ୍ରୀ ପାଣ୍ଟାଲା ପ୍ରସାଦ ରାଓ ଏବଂ ନାବାଳକ ତରଫରୁ ଶ୍ରୀ ରଜତ କୁମାର ପାତ୍ର ପରିଚାଳନା କରିଥିଲେ