ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ସ୍ଥିତ ଶ୍ରୀ କୃଷ୍ଣଚନ୍ଦ୍ର ଗଜପତି ସ୍ଵୟଂଶାସିତ ମହାବିଦ୍ୟାଳୟର ସ୍ନାତକେତର ଓଡ଼ିଆ ଭାଷା ଓ ସାହିତ୍ୟ ବିଭାଗରେ ପାରଳା ସାହିତ୍ୟ ଧାରାରେ ଗୋପୀନାଥ ନନ୍ଦଶର୍ମା ଶିର୍ଶକ ଏକ ପାଠଚକ୍ର ଅନୁଷ୍ଠିତ ହୋଇଯାଇଛି । ଏହି ପାଠଚକ୍ରରେ ମହାବିଦ୍ୟାଳୟର ଅଧ୍ୟକ୍ଷ ଅଜୟ କୁମାର ତ୍ରିପାଠୀ ସଭାପତିତ୍ବ କରିଥିବା ବେଳେ ମୁଖ୍ୟବକ୍ତା ଭାବେ ପୂର୍ଣ୍ଣଚନ୍ଦ୍ର ମହାପାତ୍ର ଯୋଗ ଦେଇଥିଲେ । ଏହି ଅବସରରେ ଗୋପୀନାଥ ନନ୍ଦଶର୍ମଙ୍କ କୃତି ଓ କୃତିତ୍ବ ଉପରେ ଆଲୋଚନା କରାଯାଇଥିଲା । ଗୋପୀନାଥ ନନ୍ଦଶର୍ମା ଜଣେ ଏକାଧାରରେ ବିଶିଷ୍ଟ ସାହିତ୍ୟକ ଥିବା ବେଳେ ତାଙ୍କ ବିଷୟର ଅଧିକ ଆଲୋଚନା କରିବା ସହ ଗବେଷଣା କରିବାର ଆବଶ୍ୟକ ରହିଛି ବୋଲି ଏହି ପାଠଚକ୍ରରେ ଆଲୋଚନା କରାଯାଇଛି । ଏହି ପାଠ୍ୟଚକ୍ରରେ ମୁଖ୍ୟଅତିଥି ଭାବେ ଗଜପତି ଜିଲ୍ଲା ଉପଜିଲ୍ଲାପାଳ ଆଲୋକ କୁମାର ପ୍ରଧାନ ଯୋଗଦେଇଥିବା ବେଳେ ଓଡ଼ିଆ ସ୍ନାତକେତର ବିଭାଗର ସମସ୍ତ ଛାତ୍ରଛାତ୍ରୀ ଓ ଅଧ୍ୟାପକ ଉପସ୍ଥିତ ଥିଲେ ।