Santosh Kumar Mishra
ସ୍ଥାନୀୟ କ୍ରୀଡାଙ୍ଗନରେ ୨ ଦିନ ଧରି ଚାଲିଥିବା ଶ୍ରୀରାମନଗର ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିରର ୨୭ତମ ବାର୍ଷିକ କ୍ରୀଡ଼ା ଉଦ୍ ଯାପନ ହୋଇଯାଇଅଛି । ଏଥିରେ ମୁଖ୍ୟ ଅତିଥି ଭାବେ NAC ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ସମ୍ମାନିତ ଅତିଥି ଭାବେ ବ୍ରହ୍ମପୁର ଫିଜିକାଲ ଏକାଡେମିର ପ୍ରତିଷ୍ଠାତା, କୋଚ ତଥା ଅବସର ପ୍ରାପ୍ତ ହାବିଲଦାର ସିମାଞ୍ଚଳ ବାରିକ ଯୋଗ ଦେଇ ଶିଶୁ ଉତ୍ସାହିତ କରିବା ସହ ଶିଶୁମାନଙ୍କୁ ସୁନ୍ଦର ଓ ସୁସ୍ଥ ରହିବାର ମାର୍ଗ ପ୍ରଦାନ କରିଥିଲେ । ଅନୁଷ୍ଠାନର ସଭାପତି ଉପେନ୍ଦ୍ର ମହାନ୍ତି ସଭାପତିତ୍ଵ କରିଥିଲେ । ପ୍ରଧାନଚାର୍ଯ୍ୟ ରବୀନ୍ଦ୍ରନାଥ ଦାଶ ଅତିଥି ପରିଚୟ ସହ ସ୍ଵାଗତ ଭାଷଣ ଦେଇଥିଲେ । ଉପସଭାପତି ଗୀତା ପାଢୀ, ସମାଜସେବୀ N.ଚନ୍ଦ୍ରଶେଖର ରାଓ ପ୍ରମୁଖ ଯୋଗ ଦେଇଥିଲେ । କ୍ରୀଡା ଆଚାର୍ଯ୍ୟ ସୁକାନ୍ତ କୁମାର ସାହୁ ବାର୍ଷିକ କ୍ରୀଡାର ବୃତ୍ତ ପଠନ କରିଥିଲେ । ପ୍ରାପ୍ତ ସୂଚନା ଅନୁସାରେ ଶିଶୁ ,ବାଲ ଓ କିଶୋର ବର୍ଗ ଖେଳଗୁଡ଼ିକ ମଧ୍ଯରେ୧୦୦ମି,୨୦୦ମିଟର,୪୦୦ମି,୬୦୦ମି,୧୫୦୦ମି, ୩୦୦୦ମି, ଉଚ୍ଚ ଡିଆଁ,ଲମ୍ବ ଡିଆଁ,ଗୋଳାଫିଙ୍ଗା,ଥାଳିଆ ଫିଙ୍ଗା,ଓ ବର୍ଛାଫିଙ୍ଗା ଆଦି ଖେଳରେ ପ୍ରଥମ ସ୍ଥାନ ଅଧିକାର କରିଥିବା ଶିଶୁ ମାନେ ଆସନ୍ତା ୧୭ ତାରିଖରେ ହେବାକୁ ଥିବା ସଙ୍କୁଳସ୍ତରୀୟ ବାର୍ଷିକ କ୍ରୀଡାରେ ଭାଗ ନେବେ । ଏଥିରେ ଶାରୀରିକ ପ୍ରମୁଖ ଚତୁର୍ଭୁଜ ତ୍ରିପାଠୀ, ସ୍ଥାନୀୟ ମହିଳା ମହାବିଦ୍ୟାଳୟର କ୍ରୀଡା ଅଧାପକ ସନ୍ତୋଷ କୁମାର ବିଷେୟୀ, ସମସ୍ତ ଅଭିଭାବକ ଓ ଅଭିଭାବିକା, ଗୁରୁଜୀଗୁରୁମା ସହଯୋଗ କରିଥିଲେ ।
