ବ୍ରହ୍ମପୁର- ହାଇଦ୍ରାବାଦର ରବୀନ୍ଦ୍ର ଭାରତୀ ଠାରେ ଆନ୍ତର୍ଜାତିକ କାଲ୍ସିକଲ୍ ଓ ଲୋକକଳା ଫେଷ୍ଟିବଲ୍ ଅନୁଷ୍ଠିତ ହୋଇଯାଇଛି। ତେଲେଙ୍ଗାନା ଭାଷା ସଂସ୍କୃତି ଓ ସଂସ୍କୃତି କଳା ନିକେତନ ତରଫରୁ କାର୍ଯ୍ୟକ୍ରମ ହୋଇଛି । ସଂସ୍କୃତି କଳା ନିକେତନର ପ୍ରତିଷ୍ଠାତା ସଂଯୁକ୍ତା ପଣ୍ଡା ଓ ଗୁରୁ ଡ .ସୁଦୀପ୍ତା ପଣ୍ଡା ଙ୍କ ଦ୍ଵାରା ଆୟୋଜନ କରାଯାଇଥିଲା । ନୂତନ ବର୍ଷ ଆରମ୍ଭରୁ ଏ ଭଳି ପ୍ରୋଗ୍ରାମ ସମସ୍ତଙ୍କୁ ଆନନ୍ଦିତ କରିଥିଲା । ୮ ଜଣ ଗୁରୁ ଙ୍କୁ ପଦ୍ମଜ୍ୟୋତି ସମ୍ମାନିତ କରାଯାଇଥିଲା । ଓଡିଶା ବ୍ରହ୍ମପୁର ର ବରିଷ୍ଠ ସାମ୍ବାଦିକ ସୁଦିପ କୁମାର୍ ସାହୁ ଙ୍କୁ ଫ୍ଲୋରିସ କଲ୍ଚର ଇଣ୍ଡିଆନ ଆଇକନ୍ ଆ ୱାର୍ଡ (Flourish culture Indiana icon award )ନାମରେ ଏହି ଆନ୍ତର୍ଜାତୀୟ ଉତ୍ସବରେ ସମ୍ମାନ ପ୍ରଦାନ କରାଯାଇଥିଲା । ସାମ୍ୱାଦିକ ସୁଦୀପ ବି ଦୁଇଟି ଓଡ଼ିଆ ଭଜନ ଗାନ କରି ସଭିଙ୍କୁ ଉତ୍ସାହିତ କରିଥିଲେ । ଏପରି ସମ୍ମାନ ଲାଗି ସାମ୍ୱାଦିକ ସୁଦିପ ଙ୍କୁ ବିଭିନ୍ନ ମହଲରେ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି ।ସୂଚନାଯୋଗ୍ୟ ସାମ୍ୱାଦିକ ସୁଦୀପ ଏହା ପୂର୍ବରୁ ବହୁ ସର୍ବଭାରତୀୟ ,ରାଜ୍ୟ, ଜିଲ୍ଲା ଓ ବ୍ରହ୍ମପୁରର ବହୁ ଅନୁଷ୍ଠାନ ତରଫରୁ ୫୦୦ ରୁ ଉର୍ଦ୍ଧ ଅନୁଷ୍ଠାନ ତରଫରୁ ସମ୍ମାନିତ ହୋଇଛନ୍ତି । ସେ ଜଣେ ଭଲ ଗାୟକ ,ଅଭିନେତା, ସଂଯୋଜକ, ଲେଖକ, ସଂଗଠକ ଓ ସାମ୍ୱାଦିକ ଭାବେ ସବୁରି ପରିଚିତ ଅଟନ୍ତି। ଏହି ଅବସରରେ ବ୍ରହ୍ମପୁର ସହରର ଯୁବ ବାଲୁକାଶିଳ୍ପୀ ସତ୍ୟ ମହାରଣା ଙ୍କୁ ମଧ୍ୟ ସମ୍ମାନୀତ କରଯାଇଥିଲା । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଲୋକସଭା ସାଂସଦ ଓ ସଂସ୍କୃତ ବିଭାଗର ଅଧକ୍ଷା ମାମିଡି ହରି କ୍ରୀଷ୍ଣା ସହ ଅଭିନେତା ଓ ମଡେଲ ଉପସ୍ଥିତ ରହିଥିଲେ । ଏଥିରେ ୪୦୦୦ ରୁ ଅଧିକ ଲୋକ ରହି ଓଡ଼ିଶା କଳା ସଂସକୃତି ଉପଭୋଗ କରିଥିଲେ ।ଶେଷରେ ଜି.ଏସ ରାଜୁ ଧନ୍ୟବାଦ ଦେଇଥିଲେ ।