Rasmi Ranjan Sahu
ଗଜପତି- ଦୁଇ ହଜାର ଟଙ୍କା ନୋଟ୍ ବଦଳାଇବା ନେଇ ମିଥ୍ୟା ପ୍ରଲୋଭନ ଦେଖାଇ ଆନ୍ଧ୍ର ବ୍ୟାପରୀଙ୍କ ଟଙ୍କା ହାଇଲୁଟ କରିବା ଘଟଣାରେ ଦୁଇ ଗିରଫ ସହ ପାଞ୍ଚୋଟି ମୋବାଇଲ ଫୋନ ଜବତ ଏଥିରେ ପୋଲିସର ଜଣେ କନେଷ୍ଟବଳ ଗିରଫ । ଏଭଳି ଘଟଣା ଘଟିଛି ପାରଳାଖେମୁଣ୍ଡି ଅଞ୍ଚଳରେ । ପୋଲିସ କନେଷ୍ଟେବଲ ତନୁଜ କୁମାର ସାବତ ଓ ବିନୋଦ ରାୟପାଲି ଏହି ଦୁଇଜଣ ଆନ୍ଧ୍ରପ୍ରଦେଶ ବିଶାଖାପାଟଣା ଅଞ୍ଚଳର ଜଣେ ବ୍ୟବସାୟୀ ଟି. ନାଗା ରବୀନ୍ଦ୍ରନାଥଙ୍କୁ 2000ଟଙ୍କିଆ ନୋଟ ବଦଳାଇ 500 ଟଙ୍କିଆ ନୋଟ ଯୋଗାଇ ଦେବା ପାଇଁ ପ୍ରଲୋଭନ ଦେଖାଇ ପାରଳାଖେମୁଣ୍ଡି ନିକଟସ୍ତ କେରାଣ୍ଡି ଗ୍ରାମ ନିକଟକୁ ରବିନ୍ଦ୍ରନାଥଙ୍କୁ ଡକାଇଥିଲେ । ଚୁକ୍ତି ଥିଲା 60ଲକ୍ଷ ଟଙ୍କାର 2000 ଟଙ୍କିଆ ନୋଟ ବାବଦକୁ30 ଲକ୍ଷ ଟଙ୍କା ଦେବାପାଇଁ । ହେଲେ ରବିନ୍ଦ୍ରନାଥ 30ଲକ୍ଷ ଟଙ୍କାର 500ଟଙ୍କିଆ ନେଇ ଆସିବାପରେ କନେଷ୍ଟେବଲ ତନୁଜ ସାବତ ଓ ଅନ୍ୟ ଅଭିଯୁକ୍ତ ବିନୋଦ ରାୟପିଲି ତାଙ୍କ ହାତରୁ ଟଙ୍କାଥିବା ବ୍ୟାଗକୁ ଜୋର ଜବରଦସ୍ତ ଛଡାଇ ନେବାପାଇଁ ଉଦ୍ୟମ କରିଥିଲେ ସେହି ସମୟରେ ଗ୍ରାମର କିଛି ଯୁବକ ଏହି ଦୁଇଜଣ ଆଭିଯୁକ୍ତଙ୍କୁ ଧରି ପାରଳାଖେମୁଣ୍ଡି ଆଦର୍ଶ ଥାନା ଆଧିକାରୀଙ୍କୁ ଖବର ଦେଇଥିଲେ । ଏହାପରେ ପାରଳାଖେମୁଣ୍ଡି ଥାନା ଅଧିକାରୀ ତଦନ୍ତ ଆରମ୍ଭ କରିଥିଲେ । ଏହି ଘଟଣାରେ 30ଲକ୍ଷ ଟଙ୍କାର 500 ଟଙ୍କିଆ ନୋଟ ଜବତ କରିବା ସହ 5ଟି ମୋବାଇଲ ଜବତ କରିଛି ପୋଲିସ ।ଏହି ଘଟଣାରେ ଆଉ 3ଜଣ ମାଷ୍ଟର ମାଇଣ୍ଡ ରହିଛନ୍ତି ସେମାନେ ବର୍ତ୍ତମାନ ପାରାର ଅଛନ୍ତି । ଖୁବଶୀଘ୍ର ସେମାଙ୍କୁ ଗିରଫ କରାଯିବ ବୋଲି ପାରଳାଖେମୁଣ୍ଡି ଏସ୍.ଡି.ପି.ଓ ମାଧବ ଚନ୍ଦ୍ର ନାୟକ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ପୂର୍ବରୁ କନେଷ୍ଟେବଲ ତନୁଜ ସାଵତଙ୍କ ଭିଜିଲାନ୍ସ ମାମଲା ଓ ଫୌଜଧାରୀ ମାମଲା ରହିଛି । ଗିରଫ ଦୁଇ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଛି ।
ଆଧୁନିକ ଶିକ୍ଷା ପ୍ରଣାଳୀ ସହ ସଂସ୍କାର ମୂଳକ ଶିକ୍ଷା ପ୍ରଦାନ କରି ସୁନାମ ଆଣିଛି ତକ୍ଷଶିଳା ଆବାସିକ ବିଦ୍ୟାଳୟ
Read More...
