Rasmi Ranjan Sahu
ଗଜପତି ଜିଲ୍ଲା ପାରଳାଖେମୁଣ୍ଡିରେ କଂଗ୍ରେସର ବିକ୍ଷୋଭ ଓ କୁଶପିତୁଳିକା ଦାହ କରାଯାଇଛି । କଂଗ୍ରେସର ଅଭିଯୋଗ କେନ୍ଦ୍ର ବିଜେପି ସରକାର ଓ ରାଜ୍ୟର ବିଜେଡି ସରକାର ମିଳିତ ଭାବେ ଗୁପ୍ତ ନିର୍ବାଚନୀ ଅନୁଦାନକୁ ସମୂହ ହରିଲୁଟ କରିଛନ୍ତି । ଦେଶର ସର୍ବୋଚ୍ଚ ନ୍ୟାୟାଳୟ ସୁପ୍ରିମକୋର୍ଟ କିଛିଦିନ ତଳେ ସିଦ୍ଦଶାଳକ କେନ୍ଦ୍ର ସରକାରଙ୍କୁ ନିଜ ଦଳୀୟ ପାଣ୍ଠିକୁ ସର୍ବସାଧାରଣରେ ଉଲେଖ କରିବା ପାଇଁ ନିର୍ଦେଶ ଦେଇଛି । ସେହିଭଳି ରାଜ୍ୟ ସରକାର ବିଭିନ୍ନ ପୁଞ୍ଜିପାତିଙ୍କ ହାତ ବାରିସୀ ସାଜି ସହସହ କୋଟି ଟଙ୍କା ନିର୍ବଚନୀ ଚାନ୍ଦ ଆକାରରେ ଆଦାୟ କରିଛନ୍ତି । ଯାହା ସର୍ବୋଚ୍ଚ ନ୍ୟାୟାଳୟର ଆଦେଶ ପ୍ରକାରେ ଉଭୟ କେନ୍ଦ୍ର ଓ ରାଜ୍ୟ ସରକାର କେଉଁଠୁ ବହୁ ପରିମାଣରେ ଟଙ୍କା ନିର୍ବାଚନୀ ପାଣ୍ଠି ଆକାରରେ ଆଦାୟ କରିଛନ୍ତି ତାହା ସର୍ବଜନୀନ କରିବା ଆବଶ୍ୟକ ବୋଲି ଦାବି କରିଛନ୍ତି । ଏହି ଅବସରରରେ କଂଗ୍ରେସର ପ୍ରଚାର କମିଟିର ଅଧ୍ୟକ୍ଷ ବିଜୟ ପଟ୍ଟନାୟକଙ୍କ ନେତୃତ୍ୱରେ ଏକ ବିକ୍ଷୋଭ ଶୋଭାଯାତ୍ରା ଜିଲ୍ଲା କଂଗ୍ରେସ କାର୍ଯ୍ୟାଳୟରୁ ବାହାରି ସହର ପରିକ୍ରମା କରି ହାଇସ୍କୁଲ ଛକ ନିକଟରେ ପହଞ୍ଚି ବିକ୍ଷୋଭ ଓ କୁଶପିତୁଳିକା ଦାହ କରାଯାଇଥିଲା ।
