Bhagyaprabha News Bureau
ପିସିସି ସଭାପତିଙ୍କ ବିରୁଦ୍ଧରେ ବିଷ ଉଗାଳିଛନ୍ତି ମହିଳା କଂଗ୍ରେସ ସଭାନେତ୍ରୀ ସୁମିତ୍ରା ଜେନା ।ସେ ସିଧାସଳଖ ପିସିସ ସଭାପତି ନିରଞ୍ଜନ ପଟ୍ଟନାୟକଙ୍କୁ ଟାର୍ଗେଟ କରି କହିଛନ୍ତି , ପିସିସି ସଭାପତି ଜଣେ ଖଣି ବ୍ୟବସାୟୀ । ସେ କଂଗ୍ରେସ ଟିକେଟ ବଣ୍ଟନକୁ ବ୍ୟବସାୟ କରିଛନ୍ତି । ଟଙ୍କା ନେଇ ବାଣ୍ଟିଛନ୍ତି ଟିକେଟ । ମୋତେ ଡମି ସଭାନେତ୍ରୀ ଭାବେ ରଖିବାକୁ ଚାହୁଁଥିଲେ । କିନ୍ତୁ ମୁଁ ଡମି ସଭାନେତ୍ରୀ ହେବାକୁ ଚାହୁଁନାହିଁ । ଓଡ଼ିଶାରେ ଚାଲିଛି ନରଞ୍ଜନ କଂଗ୍ରେସର ରାଜ । ମୁଁ କିନ୍ତୁ ରାହୁଲ କଂଗ୍ରେସରେ ରହିବାକୁ ଚାହୁଁଥିଲି । ବର୍ତମାନର କଂଗ୍ରେସରେ ଅଣନିଶ୍ୱାସୀ ହୋଇଯାଇଥିବାରୁ ସଭାନେତ୍ରୀ ଓ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । କଂଗ୍ରେସର ଛାମୁଆ ସଂଗଠନର ନେତାମାନଙ୍କୁ ମଧ୍ୟ ଦଳୀୟ ଟିକେଟ ଦିଆ ଯାଇନଥିବାରୁ ସେମାନେ ଅସନ୍ତୋଷ ପ୍ରକାଶ କରିଛନ୍ତି ।
