ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ପକ୍ଷରୁ ଜୋରଦାର କସରତ ଆରମ୍ଭ ହୋଇଯାଇଛି । ଶାସନ କ୍ଷମତା କୁ ଆସିବାକୁ ସମସ୍ତ ଦଳର ପ୍ରାର୍ଥୀ କର୍ମୀ ଓ ନେତା ସମସ୍ତେ ରାତି ଦିନ ଏକ କରି ଦେଇଛନ୍ତି । ୨୦୧୯ ନିର୍ବାଚନରେ ବିଜୟ ମୁକୁଟ କିଏ ପିନ୍ଧିବ ତାହାକୁ ନେଇ ନାନା ତର୍କ ବିତର୍କ ଚାଲିଥିବା ବେଳେ ନିର୍ବାଚନରେ ହାରିଯିବା ଭୟରେ ରାଜନୈତିକ ହିଂସା ଘଟାଉଥିବା ଦେଖିବାକୁ ମିଳିଛି । ଜଗତସିଂହପୁର ବିଧାନସଭା ମଣ୍ଡଳୀର ମାଦେରା ଗାଁରେ ଦଳୀୟ ପୋଷ୍ଟର ପାତାକା ମାରିବା କୁ କେନ୍ଦ୍ରକରି ୨ ଜଣ ଯୁବକଙ୍କୁ ମରଣାନ୍ତକ ଆକ୍ରମଣ ଘଟଣାରେ ୪୮ ଘଣ୍ଟା ନପୁରୁଣୁ ଆଜି ପୁଣି କାଟେସଂପୁର ଗ୍ରାମରେ ବିଜେପି ପତାକା ବିନୋଦ ସାହୁ ଓ ପୀତବାସ ସାହୁ ବିଜେପି ପତାକା ମାରୁଥିବ ବେଳେ ଦୁଇ ଜଣକୁ ଲୁହା ରଡରେ ଆକ୍ରମଣ କରାଯାଇଥିଲା । ସେମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଅଭିଯୋଗ ପରେ ଜଗତସିଂହ ପୁର ପୋଲିସ ତଦନ୍ତ କରି ପୂର୍ବଶତ୍ରୁତାରୁ ଏହି ଭଳି ଘଟଣା ଘଟିଥିବା ଏସଡିପିଓ କହିଛନ୍ତି ।