Bhagyaprabha News Bureau
ଗଞ୍ଜାମ ଜିଲ୍ଲାର ଦିଗପହଣ୍ଡି ଶ୍ରମିକ ସଂଗଠନ ଏଆଇଟିୟୁସି ଓ ସିଆଇଟିୟୁର ମିଳିତ ଆନୁକୁଲ୍ୟରେ ସ୍ଥାନୀୟ ବଜାର ସାହି ଗାନ୍ଧୀ ଛକଠାରେ ବୁଧବାର ଦିନ ମହା ସମାରୋହରେ ବିଶ୍ଵ ଶ୍ରମିକ ଦିବସ ପାଳିତ ହୋଇଯାଇଛି । ଏଆଇଟିୟୁସି ଗଞ୍ଜାମ ଜିଲ୍ଲା ସଂପାଦକ ଅଳକନାଥ ମିଶ୍ରଙ୍କ ସଂଯୋଜନାରେ ଆୟୋଜିତ ଦିବସରେ ରାଜ୍ଯ ଗଣତାନ୍ତ୍ରିକ ମହିଳା ସମିତି ସଦସ୍ଯା ଜୟନ୍ତୀ ବାଳା ମିଶ୍ର ମୁଖ୍ୟ ଅତିଥିଭାବେ ଯୋଗଦେଇ ଲାଲ ପତାକା ଉତ୍ତୋଳନ କରି ସଭାକାର୍ଯ୍ୟ ଉଦଘାଟନ କରିଥିଲେ । ଏହି ଅବସରରେ ସିପିଆଇ ଏମ୍ ଗଂଜାମ ଜିଲ୍ଲା କମିଟି ସଂପାଦକ କୈଳାସ ଷଡ଼ଙ୍ଗୀ , ଭାରତୀୟ ଟ୍ରେଡ ୟୁନିୟନ କେନ୍ଦ୍ର ସିଆଇଟିୟୁର ଗଂଜାମ ଜିଲ୍ଲା କାର୍ଯ୍ୟକାରୀ ସଭାପତି ଅଶ୍ବିନୀ କୁମାର ଦାସ , ଜିଲ୍ଲା କଂଗ୍ରେସ କମିଟି ଉପସଭାପତି ପ୍ରଫୁଲ୍ଲ ପଣ୍ଡା , ଆଇନଜୀବୀ ଅଶେଷନାଥ ମିଶ୍ର , କୁରେଶୁ ପଣ୍ଡା ପ୍ରମୁଖ ଏହି ଦିବସରେ ନିଜର ଅଭିଭାଷଣ ପ୍ରଦାନ କରିଥିଲେ । ସେହିପରି କିଶୋର ଶତପଥୀ , ତପନ ମିଶ୍ର , ଦୈତାରୀ ରେଡ୍ଡୀ , ସୋମନାଥ ଦଳେଇ , ଗୋବିନ୍ଦ ନନ୍ଦ , ହରିକୃଷ୍ଣ ଗୌଡ , କାଳୀଚରଣ ଗୌଡ , ଉଜ୍ଜ୍ୱଳ ସାହୁ , ଭି. ସୁଦର୍ଶନ ରାଜୁ , କୈଳାସ ମହାରଣାଙ୍କ ସମେତ ଖେମୁଣ୍ଡି ମିନିବସ ଓ ଟ୍ୟାକ୍ସି ଚାଳକ ସଂଘ , କର୍ମଚାରୀ ସଂଘ , ନିର୍ମାଣ ଶ୍ରମିକ ସଂଘ ପ୍ରମୁଖ ସଂଘର କର୍ମକର୍ତ୍ତା ଅଂଶଗ୍ରହଣ କରିଥିଲେ ।
