Bhagyaprabha News Bureau
ଆଜି ଦିନ ସକାଳ ୧୦ ଘଣ୍ଟା ସମୟରେ ଦିଗପହଣ୍ଡି - ପୋଡାମାରୀ ମୁଖ୍ୟ ରାସ୍ତା କେଉଟବନ୍ଧ ନିକଟରେ ଏକ ଡାଲା ଧକ୍କାମାଡରେ ଜଣେ ଭିନ୍ନକ୍ଷମ ବାବାଜୀ ଗୁରୁତର ଆହତ ହୋଇଥିବା ଜଣାପଡିଛି । ଗୁରୁତର ବାବାଜଣକ ହେଲେ ପାଟପୁର ଥାନା ମଥୁରା ଅଧିନରେ ଥିବା ହନୁମାନ ଗୁମ୍ଫାରେ ରହୁଥିବା ଅଚ୍ୟୁତାନନ୍ଦ ଦାସ ବୋଲି ଜଣାପଡିଛି ।
ସୂଚନା ପ୍ରକାରେ , ଗୁରୁତର ବାବା ଦାସ ଓ ତାଙ୍କ ଅନ୍ୟତମ ସହପାଠୀଙ୍କ ସହ ଏକ ବାଇକ ଯୋଗେ ମଥୁରା ଗ୍ରାମରେ ଆସନ୍ତା ୨୩ ତାରିଖଠାରୁ ଆରମ୍ଭ ହେବାକୁଥିବା ଯଜ୍ଞ କାର୍ଯ୍ୟକ୍ରମ ପାଇଁ ନିମନ୍ତ୍ରଣ କରିବାକୁ ଚିକିଟି ଯାଉଥିଲେ ହେଲେ ଦିଗପହଣ୍ଡି ରାସ୍ତାରେ ଚାହା ପିଇବା ପାଇଁ ନିଜ ବାଇକରୁ ଓହ୍ଲାଇବା ସମୟରେ ସାନଖେମୁଣ୍ଡି ବ୍ଲକ ଧରମପୁର ଗ୍ରାମରୁ ଦିଗପହଣ୍ଡି ଅଭିମୁଖେ ଆସୁଥିବା ଏକ ଡାଲାଅଟୋ (ଓଡି୦୭ ପି ୩୦୪୩) ପଛପଟୁ ଧକ୍କା ଦେଇଥିଲା । ଫଳରେ ବାବାଜଣକ ରାସ୍ତା ପାର୍ଶ୍ବରେ କଚାଡି ହୋଇ ପଡି ଗୁରୁତର ହୋଇଥିଲେ । ଗୁରୁତର ଅବସ୍ଥାରେ ସେଠାରେ ଥିବା କିଛି ଲୋକଙ୍କ ଦ୍ୱାରା ଉଦ୍ଧାର କରାଯାଇ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ । ପ୍ରାଥମିକ ଚିକିତ୍ସା ପରେ ଅବସ୍ଥାରେ ଉନ୍ନତି ନ ଆସିବାରୁ ବ୍ରହ୍ମପୁର ବଡମେଡିକାଲକୁ ସ୍ଥାନାନ୍ତର କରାଯାଇଛି ।
