Bhagyaprabha News Bureau
ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ବମକୋଇ ଗ୍ରାମରେ ବୁଧବାର ବିଳମ୍ବିତ ରାତିରେ ଏକ ବିଷଧର ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ଜଣାପଡିଛି । ମୃତ ଯୁବକ ଜଣକ ହେଲେ ବମକୋଇ ଗ୍ରାମର ସୁରେନ୍ଦ୍ର ପ୍ରଧାନ ବୋଲି ଜଣାପଡିଛି । ଖବରନୁଯାୟୀ , ମୃତ ସୁରେନ୍ଦ୍ର ଦୁଇ ବର୍ଷ ହେଲା ଖମ୍ବାରି ଗାଁ ରେ ନିଜ ପରିବାର ସହ ରହି ଆସୁଥିଲେ । ବୁଧବାର ବିଳମ୍ବିତ ରାତିରେ ସୁରେନ୍ଦ୍ର ଘରେ ଶୋଇଥିବା ସମୟରେ ଏକ ବିଷାକ୍ତ ସାପ କାମୁଡି ଦେଇଥିଲା । ଏହାକୁ ସୁରେନ୍ଦ୍ର ଓ ତାଙ୍କ ପରିବାର ଲୋକ ଗୁରୁତ୍ବ ନ ଦେଇ କିଛି ସମୟପରେ ଯନ୍ତ୍ରଣା ଅନୁଭବ ହେବାରୁ କଇଠଖଣ୍ଡି ଗ୍ରାମକୁ ଯାଇ ଝଡାଫୁଙ୍କା କରିଥିଲେ । ଗୁରୁବାର ସକାଳେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ବଡମେଡିକାଲକୁ ନିଆଯାଇଥିଲା ହେଲେ ଚିକିତ୍ସାଧୀନ ଅବସ୍ଥାରେ ସକାଳ ୯ ଘଣ୍ଟା ସମୟରେ ସୁରେନ୍ଦ୍ରଙ୍କ ମୃତ୍ୟୁ ହୋଇଥିବା ଜଣାପଡିଛି । ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ମୃତ ସୁରେନ୍ଦ୍ରଙ୍କ ଶବ ହସ୍ତାନ୍ତର କରାଯାଇଛି ।
