Kiran Behera
ସମନ୍ଵିତ ଶିଶୁ ବିକାଶ ପ୍ରକଳ୍ପ ଦିଗପହଣ୍ଡି ଶାଖା ପକ୍ଷରୁ ସୋମବାର ଦିନ ଦିଗପହଣ୍ଡି ବିଜୁପଟ୍ଟନାୟକ କଲ୍ୟାଣ ମଣ୍ଡପ ପରିସରରେ ବିଶ୍ଵ ସ୍ତନ୍ୟପାନ ସପ୍ତାହ ପାଳିତ ହୋଇଯାଇଛି । ସମନ୍ଵିତ ଶିଶୁ ବିକାଶ ପ୍ରକଳ୍ପ ଅଧିକାରୀ ଯଶୋବନ୍ତୀ ସାହୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଦିଗପହଣ୍ଡି ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ପ୍ରଫୁଲ୍ଲ ଚନ୍ଦ୍ର ଡାକୁଆ ମୁଖ୍ୟ ଅତିଥିଭାବେ ଯୋଗଦେଇଥିଲେ । ସେହିପରି ଆଇନଜୀବୀ ହରପ୍ରସାଦ ରଥ , ବମକୋଇ ମେଡିକାଲ ପିଏଚଇଓ ଅନୀତା ପ୍ରଧାନ , ଇନ୍ଦିରା ମହାପାତ୍ର , ଭାରତୀ ବ୍ରହ୍ମା ପ୍ରମୁଖ ସମ୍ମାନୀୟ ଅତିଥିଭାବେ ମଞ୍ଚାସୀନ ଥିଲେ । ଦିଗପହଣ୍ଡି ସେକ୍ଟର ସୁପରଭାଇଜର ମନୀଷାରାଣୀ ପଟ୍ଟନାୟକ ଓ ସାଧନା ମହିଳା ସଂଘ ସଭାନେତ୍ରୀ ପି . ବିଜୟଲକ୍ଷ୍ମୀଙ୍କ ମିଳିତ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ସୋମବାର ପୂର୍ବାହ୍ନ ସମୟରେ ଦିଗପହଣ୍ଡି ସମନ୍ଵିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟରୁ ଅଙ୍ଗନବାଡ଼ି କର୍ମୀ ଓ ସ୍ଥାନୀୟ କର୍ମୀମାନେ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ସଭାସ୍ଥଳରେ ପହଞ୍ଚିଥିଲେ । ଆୟୋଜିତ ସଭାକାର୍ଯ୍ୟରେ ଅତିଥିମାନଙ୍କ ଦ୍ଵାରା ବିଶ୍ଵ ସ୍ତନ୍ୟପାନ ସପ୍ତାହର ଆଭିମୁଖ୍ୟ ସମ୍ପର୍କରେ ଆଲୋକପାତ କରାଯାଇଥିଲା । ପରିଚାଳନାରେ ସୁପରଭାଇଜର ରଞ୍ଜନା ମିଶ୍ର , ଇନ୍ଦିରା ପାତ୍ର , କନକଲତା ବେହେରା , ଅନିମା ପ୍ରଧାନ , ଭାରତୀ ବ୍ରହ୍ମା , ଅଶାନ୍ତି ପାତ୍ର, ଲିଜା ସେଠୀ, ସରସ୍ବତୀ ଗୌଡ , କର୍ମୀ ଗାୟତ୍ରୀ ପାତ୍ର , ରଶ୍ମୀତା ପାତ୍ର , ଅର୍ଚ୍ଚନା ପାଢ଼ୀ , ସମେତ ବହୁ ଅଙ୍ଗନବାଡ଼ି କର୍ମୀ , ସହଯୋଗ କରିଥିଲେ ।
